Ապրիլի 26-28-ը, քաղաքացիական հասարակության իրազեկվածության մակարդակը բարձրացնելու նպատակով ՀՀ կառավարությունը նախատեսում է կազմակերպել մարզային հանդիպումներ՝ ԲԿԳ նախաձեռնության, ինչպես նաև 3-րդ գործողությունների ծրագրի մշակման գործընթացի վերաբերյալ:

2016 թվականի փետրվարի 15-ին տեղի ունեցավ «Բաց կառավարման գործընկերություն» նախաձեռնության Հայաստանյան աշխատանքները համակարգող աշխատանքային խմբի ընդլայնված նիստը, որի ընթացքում նաև հայտարարվեց ԲԿԳ երրորդ Գործողությունների ծրագրի նախագծման մեկնարկի մասին: ԲԿԳ Գործողությունների ծրագրերը կազմվում են երկու տարվա համար, որի մեջ ներառվում են բաց, թափանցիկ, հաշվետու և մասնակցային կառավարմանն ուղղված կոնկրետ գործողություններ:

Գործողությունների ծրագրի նախագծման բոլոր փուլերում Կառավարություն-քաղհասարակություն համագործակցության ձևաչափն է աշխատում. բոլոր շահագրգիռ մարմինները, հասարակական կազմակերպությունները և անհատները հնարավորություն ունեն ԲԿԳ սկզբունքներից բխող կոնկրետ առաջարկներն ուղարկել ՀՀ կառավարության աշխատակազմ՝ դրանք Գործողությունների ծրագրում ներառելու համար: 

Մարզային հանդիպումների նպատակն է նախևառաջ մարզային ՀԿ-ին և ակտիվ քաղաքացիներին իրազեկել Բաց կառավարաման գործընկերության նախաձեռնության հայաստանյան գործընթացների մասին, նաև ներգրավել դրանց ԲԿԳ Գործողությունների երրոսրդ ծրագրի մշակման գործընթացում:

Հանդիպումները տեղի կունենան հետևյալ ժամանակացույցով.

Մասնակցության համար կարող եք կապվել աղյուսակում ներկայացված համակարգողների հետ: