Շրջանավարտների ներգրավվածության և նորարության հիմնադրամի դրամաշնորհներ
Աղբյուրը՝ www.alumni.state.gov
Դուք ԱՄՆ փոխանակման ծրագրի շրջանավարտ ե՞ք: Ցանկանու՞մ եք ունենալ ձեր ներդրումը Հայաստանում տեղի ունեցող բարեփոխումներում: Մարտի 2-ից սկսած դուք կարող եք դիմել 2017 թ. Շրջանավարտների ներգրավվածության և նորարության հիմնադրամին և ստանալ հնարավորություն` շահելու մինչև $25,000-ի չափով աջակցություն այնպիսի նախագծերի իրականացման համար, որոնք կբարեփոխեն Հայաստանը հետևյալ ոլորտներից որևէ մեկում` բիզնեսի զարգացում, բարեկեցիկ ու ամուր համայնքների ստեղծում, համագործակցություն գիտության և կրթության բնագավառներում, կանանց և աղջիկների իրավունքների ընդլայնում:
Դիմել կարող են ինչպես անհատ շրջանավարտները, այնպես և Հայաստանում գրանցված ՀԿ-ները, որոնք ունեն շրջանավարտ աշխատակիցներ: Դիմել կարող են ԱՄՆ բոլոր փոխանակման ծրագրերի շրջանավարտները, այդ թվում` ԱՄՆ ՄԶԳ-ի, ԱՄՆ Գյուղդեպարտամենտի, Պաշտպանության համագործակցության գրասենյակի վերապատրաստման ծրագրերի շրջանավարտները: Մանրամասներն այս հղմամբ՝ alumni.state.gov/aeif