Համաժողով՝ «Էկոտուրիզմը Հայաստանում»
Ներկայումս կան բազում նախաձեռնություններ, որոնք փորձում են օգտագործել Հայաստանի էկոտուրիզմի ներուժը: Գաղափարների և փորձի փոխանակման հարթակ և շահագրգիռ կողմերի ցանց ստեղծելու նպատակով՝ Հայաստանի ամերիկյան համալսարանի Յակոբեան բնապահպանական կենտրոնը կազմակերպում է Հայաստանում էկոտուրիզմի թեմային նվիրված համաժողով, որը տեղի կունենա 2016թ. ապրիլի 2-ին: Համաժողովի ընթացքում կլինեն զեկույցներ, քննարկումներ, աշխատաժողովներ և ցուցահանդես:
Սիրով հրավիրում ենք Ձեզ և Ձեր կազմակերպությանը մասնակցելու համաժողովին: Մասնավորապես՝ փնտրում ենք անհատների և խմբերի, ովքեր ցանկություն ունեն զարգացնելու էկոտուրիզմն իրենց համայնքներում՝ հիմնվելով համայնքի բնական հուշարձանների վրա: Համաժողովի կարևոր կողմերից է Հայաստանի գյուղական տարածքների ներկայացուցիչների ակտիվ մասնակցությունը:
Ակնկալում ենք համաժողովին Ձեր մասնակցությունը: Հավելյալ տեղեկությունների համար խնդրում եմ զանգել կամ գրել Տաթևիկ Վարդանյանին՝ [email protected] և +374 60 612 520: