Միացի՛ր «Ականատես» դիտորդական նախաձեռնության թիմին
Աղբյուրն ու դիմումի ձևը կգտնեք այստեղ։
«Ականատես» դիտորդական նախաձեռնությունը կրկին հնարավորություն է ընձեռում միանալու դիտորդական թիմին և նպաստելու ազատ, արդար և թափանցիկ ընտրական գործընթացների կայացմանը Հայաստանում և Արցախում։
Եթե Դուք կարևորում եք հանրային անկողմնակալ վերահսկողությունը ընտրական գործընթացների նկատմամբ և, միևնույն ժամանակ,
- չեք անդամակցում որևէ կուսակցության,
- ցանկանում եք ձեռք բերել արժեքավոր փորձ՝ աշխատելով մեծ ու դինամիկ թիմի հետ,
- չափահաս եք,
- պատրաստ եք մասնակցել վերապատրաստման մեկանգամյա դասընթացի,
- բնակվում եք Հայաստանում կամ Արցախում
ապա գրանցվե՛ք մինչև մարտի 1-ը ներառյալ։
Լրացուցիչ տեղեկությունների համար կարող եք կապ հաստատել մեզ հետ (096)965007 (Հայաստան) կամ (097)500573 (Արցախ) հեռախոսահամարներով։
Նախաձեռնությունը հիմնադրվել է 2018թ.-ին և Արցախում համագործակցում է «Քաղաքացիական հաբ» հասարակական կազմակերպության հետ։ Նախաձեռնությունը մարդկային ռեսուրսների հավաքագրում իրականացնելիս բացառում է որևէ խտրականության դրսևորում՝ հիմք ընդունելով բաց և ազատ մրցակցությունը՝ անաչառ և զուրկ որևէ խտրական վերաբերմունքից:
Նախաձեռնության մասին ավելի մանրամասն տեղեկություն կարող եք ստանալ ֆեսյբուքյան էջի միջոցով https://bit.ly/334nnhu