«Տարվա Լավագույն Կամավոր» մրցանակաբաշխություն & VolEx
Աղբյուր՝ www.volunteers.am
«Հայ կամավորների բանկ» երիտասարդական հասարակական կազմակերպությունը ՀՀ-ում կամավորության մշակույթի ձևավորման, զարգացման և տարածման նպատակով այս տարի ևս տոնում է կամավորների միջազգային օրը:
Դեկտեմբերի 5-ին, ժամը 17:00, Երևանի պետական կամերային թատրոնում մեզ սպասում է երկու հետաքրքիր միջոցառում:
Տոնական երեկոն կսկսվի «VolEx. My way to success» խորագիրը կրող միջոցառմամբ, որի ընթացքում կամավորական հարուստ փորձ ունեցող երիտասարդները և արդեն հաջողությունների հասած մարդիկ կկիսվեն իրենց փորձով (մանրամասներ՝ https://www.facebook.com/events/1479562098798532/):
Այնուհետև կիրականացվի իր տեսակով առաջին «Տարվա Լավագույն Կամավոր» մրցանակաբաշխությունը, որը թույլ կտա խրախուսել հասարակական ակտիվություն ցուցաբերած, կամավորական տարբեր աշխատանքներում ընդգրկված և տարբեր հաջողությունների գրանցած երիտասարդների:
Սիրով սպասում ենք այս տարվա ընթացքում ակտիվ կամավորական աշխատանք կատարած երիտասարդների հայտերին:
Եթե 16-35 տարեկան եք ու 2017 թվականին ակտիվ մասնակցել եք կամավորական տարբեր աշխատանքների, լրացրե՛ք այս հայտը և մասնակցե՛ք «Տարվա Լավագույն Կամավոր» մրցույթին: Գուցե հենց դու դառնաս այս տարվա լավագույն կամավորը:
«Տարվա Լավագույն Կամավոր» մրցույթի hայտ՝ http://bit.ly/2hkgTrP
Հայտերի ներկայացման վերջնաժամկետն է նոյեմբերի 26-ը:
ՈՒՇԱԴՐՈՒԹՅՈՒՆ, հայտում անհրաժեշտ է լրացնել միայն 2017 թվականի ընթացքում կատարած կամավորական աշխատանքերը:
Թերի լրացված հայտերը չեն դիտարկվի:
«Տարվա Լավագույն Կամավոր» մրցանակաբաշխություն 2017 և «VolEx. My way to success» միջոցառումներին ներկա լինելու համար խնդրում ենք լրացնել այս հայտը` http://bit.ly/2hQ4hWp
Հայտը լրացնելու վերջնաժամկետն է դեկտեմբերի 1-ը:
Տեղերը սահմանափակ են՝ ելնելով դահլիճի նստատեղերի քանակից:
Այս ճանապարհով «Հայ Կամավորների Բանկ» ԵՀԿ-ն ևս մեկ անգամ կբարձրաձայնի կամավորական աշխատանքի կարևորության և օգտակարության մասին՝ կոչ անելով երիտասարդներին զբաղվել կամավորությամբ, իրենց ներդրումն ունենալ իրենց անձի ու մեր երկրի զարգացման գործում: