«Գործող և ապագա կին ձեռներեցների թվային հմտությունների զարգացում» ծրագրի հայտերի ընդունման հայտարարություն

«Ջինիշյան» հիշատակի հիմնադրամը` Միջազգային մասնավոր ձեռնարկատիրության կենտրոնի (CIPE) Կանանց տնտեսական հզորացում կառույցի (CWEE) աջակցությամբ, իրականացնում է «Գործող և ապագա կին ձեռներեցների թվային հմտությունների զարգացում» ծրագիրը։ 

 

Այժմ առավել քան երբևէ, առցանց հարթակներին անցումն ու դրանց արդյունավետ կառավարումը կենսական նշանակություն ունեն փոքր և միջին բիզնեսի գոյատևման և զարգացման համար։ Ծրագրի նպատակն է նպաստել հատկապես Հայաստանի մարզերում գործող և ապագա կին ձեռներեցների բիզնեսների կայունությանը և աճին՝ թվայնացման համար անհրաժեշտ գիտելիքների, հմտությունների և ունակությունների զարգացման միջոցով։

 

 

Ծրագիրը կընդգրկի հետևյալ փուլերը՝

 

ՓՈՒԼ 1. Կարճաժամկետ դասընթացներ

 

Ծրագրի  շահառուները հնարավորություն կստանան մասնակցելու 6 կարճաժամկետ առցանց դասընթացի, հետևյալ թեմաներով (միջինում 3 ժամ տևողությամբ)՝  
 

• Առցանց վաճառքի հարթակների ստեղծում/Առցանց վճարման համակարգեր/ Կիբերանվտանգություն

• Անցանց նյութերի տեղափոխում առցանց հարթակներ

• Թվային գրագիտության հիմքեր (առցանց հանդիպումների հավելվածներ, Գուգլ դիսկ և ֆայլեր)

• Փափուկ հմտություններ (soft skills) առցանց հաղորդակցության համար

• Բիզնես և անձնական բրենդինգ առցանց աշխարհում

• Գրաֆիկ/UI դիզայն

 

 

Ինչպես նաև 2 կարճաժամկետ դասընթացի (միջինում 4 ժամ տևողությամբ)՝

 

• CIPE-ի կողմից մշակված առցանց հմտությունների զարգացման հատուկ դասընթաց՝ հատուկ ուղեցույցի կիրառմամբ

• Սեռի վրա հիմնված բռնություն և ոտնձգություն՝ հատկապես առցանց եղանակով 

 

Առաջին փուլը հաջողությամբ ավարտած մասնակիցները հնարավորություն կունենան անցնել ծրագրի երկրորդ փուլ:

 

 

ՓՈՒԼ 2. Երկարաժամկետ դասընթացներ 

 

Առաջին փուլից հետո՝ ընտրության արդյունքում, առնվազն 40 կին ձեռներեց կմասնակցի թվային մարքեթինգի ռազմավարության մշակման և SMM հմտությունների կիրառման երկարաժամկետ դասընթացների՝ մշակված գործող և ապագա կին ձեռներեցների կարիքներին համապատասխան։ 

 

 

ՓՈՒԼ 3. Խմբային և անհատական աշխատանքներ 

 

Այս փուլին մասնակցությունը կշարունակեն գործող կին ձեռներեցները (առնվազն 20 հոգի)` ստանալով աջակցություն թվային ռազմավարության իրականացման հարցում՝ խմբային և անհատական աշխատանքների ընթացքում։ 

 

 

Ծրագրի գործընկեր՝ Quick Start:

Հիշեցում՝ ծրագրին մասնակցությունն ԱՆՎՃԱՐ Է։

 

 

Ծրագրին Ձեր հայտը լրացնելու համար կարող եք անցնել այս հղմամբ:

Հայտերի լրացման վերջնաժամկետն է՝ փետրվարի 26, 2023թ․։
 

 

«Գործող և ապագա կին ձեռներեցների թվային հմտությունների զարգացում» ծրագիրը ֆինանսավորվում է Միջազգային մասնավոր ձեռնարկատիրության կենտրոնի կողմից և իրականացվում «Ջինիշյան» հիշատակի հիմնադրամի կողմից, որի նպատակն է նպաստել կին ձեռներեցների բիզնեսների կայունությանը և աճին՝ թվայնացման համար անհրաժեշտ գիտելիքների, հմտությունների և ունակությունների զարգացման միջոցով։