Մասնակցության հրավեր. Քաղաքականությունը ճգնաժամի պայմաններում․ Հարավային Կովկասի օրինակը Կովկասի ինստիտուտի առցանց դասընթաց

Աշխատանքային լեզուներ՝ հայերեն, անգլերեն, ռուսերեն

Տևողությունը՝ հուլիսի 8 - օգոստոսի 19, 2020թ. (6 շաբաթ)

 

Կովկասի ինստիտուտը մեկնարկում է  վեցշաբաթյա առցանց դասընթաց՝ նվիրված քաղաքականությանը ճգնաժամի պայմաններում ՝ Հարավային Կովկասի օրինակով: Դասընթացը հիմնականում կդիտարկի, թե ինչպես են ճգնաժամերը, ինչպես օրինակ՝ կորոնավիրուսային համաճարակը, ազդում երկրների քաղաքական, տնտեսական, սոցիալական ինստիտուտների և դրանց զարգացման միտումների վրա:

 

Դասընթացի ավարտին մասնակիցները ձեռք կբերեն․

- Քաղաքական, սոցիալական և տնտեսական համատեքստն ու իրադարձություններ վերլուծելու կարողություն,

- Քաղաքական որոշումների կայացման, քաղաքական համակարգերի և ինստիտուտների առավել խորը ընկալում,

- Քաղաքական և սոցիալական գիտություններում տվյալների հավաքագրման և մեկնաբանման նպատակով բազմադիսցիպլինար մոտեցումներ կիրառելու կարողություն,

- Հարավային Կովկասի տարածաշրջանի և նրա մաս կազմող երկրների վերաբերյալ հավելյալ գիտելիքներ:

 

Դասախոսությունները վարելու են. 

 

• Գեորգի Դերլուգյանը,  Նյու Յորքի համալսարանի սոցիալական հետազոտությունների և հասարակական քաղաքականության ֆակուլտետի պրոֆեսոր, Աբու-Դաբի

• Ալեքսանդր Իսկանդարյանը,  քաղաքագետ, Կովկասի ինստիտուտի տնօրեն, Երևան

• Հրանտ Միքայելյանը,  ժողովրդագիր և տնտեսագետ, Կովկասի ինստիտուտի ավագ գիտաշխատող, Երևան

• Մարինա Մուսխելիշվիլին,  Թբիլիսիի Իվանե Ջավախիշվիլիի անվան համալսարանի Հասարակական և քաղաքագիտական գիտությունների ֆակուլտետի պրոֆեսոր

• Էդգար Էլբակյանը,  ԵՊՀ ռազմավարական հետազոտությունների գիտական լաբորատորիայի կրտսեր գիտաշխատող

• Գոռ Պետրոսյանը,  քաղաքագետ, Կովկասի ինստիտուտի գիտաշխատող, Երևան