Դասընթաց լրագրողների համար. ՏԻՄ ընտրությունների լուսաբանման առանձնահատկությունները
Սիրելի լրագրողներ,
Հրավիրում ենք Ձեզ մասնակցելու «ՏԻՄ ընտրությունների լուսաբանման առանձնահատկությունները» խորագրով դասընթացին, որը տեղի կունենա սեպտեմբերի 14-15-ին «Բեսթ Վեսթերն Փարադայս Հոթել Դիլիջան»-ում:
Մեր փորձագետները կներկայացնեն տեղեկատվություն ՏԻՄ օրենսդրական կարգավորումների, ՏԻՄ-երում կանանց մասնակցության առանձնահատկությունների մասին, ինչպես նաև՝ օրինակներ նախորդ ՏԻՄ ընտրությունների լուսաբանումների, դիտորդական առաքելությունների ընթացքում ձեռք բերված փորձի և քաղված դասերի մասին:
Դասընթացի արդյունքում մասնակիցները ձեռք կբերեն հմտություններ ՏԻՄ ընտրությունների լուսաբանման գենդերային զգայուն մոտեցումների վերաբերյալ:
Դասընթացն իրականացվում է ՕքսԵՋեն հիմնադրամի կողմից՝ «Հետաքննող լրագրողներ» ՀԿ-ի հետ համագործակցությամբ:
Նախաձեռնությունն կազմակերպվել է «Կանայք քաղաքականության մեջ» ծրագրի շրջանակներում, որն իրականացվում է ՄԱԿ-ի Զարգացման ծրագրի կողմից՝ ՀՀ տարածքային կառավարման և ենթակառուցվածքների նախարարության և #ՕքսԵՋեն հիմնադրամի հետ համագործակցությամբ, Միացյալ Թագավորության «Լավ կառավարման հիմնադրամի» աջակցությամբ:
Դասընթացին մասնակցելու համար խնդրում ենք նամակ ուղարկել [email protected] և [email protected] հասցեներին, նշելով՝ անուն - ազգանուն, լրատվամիջոց, հեռախոսահամար, հղում Ձեր հեղինակային մեդիա նյութից:
Դիմում հայտերի ներկայացման վերջնաժամկետը սեպտեմբերի 12-ն է:
Հարցերի դեպքում կարող եք կապ հաստատել ՕքսԵՋեն հիմնադրամի հանրային կապերի պատասխանատու Լիլիթ Քոչինյանի հետ՝ հեռ. 093647718, 043 401304:
Դասընթացի մասնակիցը պարտավորվում է լրագրողական նյութ պատրաստել սեպտեմբերի 29-ին սպասվող ՏԻՄ ընտրությունների վերաբերյալ՝ կանանց մասնակցության հատուկ շեշտադրումով: