ԵՄ հանուն մշակույթի․առավել ուժեղ համայնքներ և տեղական նախաձեռնություններ. դասընթաց

Հարգելի գործընկերներ,

Դի-Վի-Վի Ինթերնեյշնալը հայտարարում է Կոտայքի մարզում առաջին թեմատիկ դասընթացը «ԵՄ հանուն մշակույթի․առավել ուժեղ համայնքներ և տեղական նախաձեռնություններ» ծրագրի շրջանակներում հետևյալ թեմաներով*․

1․ Ինչպե՞ս ավելի գրավիչ դարձնել զբոսաշրջային վայրը

2․ Վաճառե՛ք ավելի շատ տուրեր առցանց։ Զբոսաշրջային մարքեթինգ

 

Դասընթացի օրեր՝	Նոյեմբերի 27 – 28, 2018թ․
Դասընթացի անցկացման վայր՝	Կեչառիս հյուրանոցային համալիր, ք.Ծաղկաձոր
Դասընթացի թիրախային խումբ՝	Կոտայքի մարզի քաղաքացիական հասարակության կազմակերպությունների ներկայացուցիչներ համայնքների (ՏԻՄ-երի) ներկայացուցիչներ ոչ ֆորմալ երիտասարդական խմբեր տեղի մշակութային և զբոսաշրջային ոլորտի մասնագետներ այլ հետաքրքրված անձիք
Դասընթացավար՝	Դիանա Ավետյան

Դասընթացը բաց է բոլոր հետաքրքրվող կազմակերպությունների և անձանց համար, սակայն, ելնելով թեմատիկ դասընթացների բնույթից, մասնակիցների առավելագույն թիվը 20 է, և մասնակիցները կցուցակագրվեն` ըստ հայտերի ներկայացման հերթականության։

Ուզում ենք հիշեցնել, որ ծրագրի շրջանակներում դրամաշնորհների դիմելու կարևոր նախապայման է լինելու երկու դասընթացներին մասնակցությունը։ Այսպիսով՝

• Բոլոր նրանք, ովքեր մասնակցել են հոկտեմբերի 22-23-ին կայացած ներածական դասընթացին, այս դասընթացին մասնակցելով՝ կլրացնեն վերոնշյալ պայմանը։
• Ովքեր չեն մասնակցել ներածական դասընթացին, կարող են մասնակցել այս թեմատիկ դասընթացին և 2019թ․ հունվարին անցկացվելիք երկրորդ թեմատիկ դասընթացին:
• Ներածական դասընթացի այն մասնակիցները, ովքեր չեն կարողանա մասնակցել նոյեմբերի 27-28 –ին կայանալիք դասընթացին, նույնպես հնարավորություն կունենան լրացնելու երկրորդ դասընթացը 2019թ․ հունվարին:
• Դասընթացը բաց է նաև բոլոր նրանց համար, ովքեր չեն հավակնում դրամաշնորհի, բայց հետաքրքրված են թեմաներով:

Խնդրում ենք Ձեր մասնակցությունը հաստատել մինչև նոյեմբերի 25-ը՝ [email protected]  և  [email protected]  հասցեներին ուղարկելով մասնակցության լրացված հայտը, որը կարող եք ներբեռնել այստեղ՝ http://bit.ly/2qUOoCj :

Հարցերի դեպքում կարող եք զանգահարել հետևյալ հեռախոսահամարներով՝ 010 575647,   093 971147:

Մասնակցության հաստատման համար կզանգահարենք բոլոր գրանցված անձանց և կազմակերպություններին։

Մասնակիցների խմբի վերջնականացումից հետո մենք կզանգահարենք Ձեզ՝ տրանսպորտի հարցը կարգավորելու համար։ 

Հ․ Գ․ Ուզում ենք նաև տեղեկացնել, որ զուգահեռաբար Գեղարքունիքի մարզում նոյեմբերի 30-ից դեկտեմբերի 2-ը անցկացվելու է դասընթաց 1․Հանրային կապեր [PR] մշակույթի և զբոսաշրջության ոլորտում, և 2․Միջոցառումների կազմակերպում և կառավարում մշակույթի և զբոսաշրջության ոլորտում թեմաներով, դասընթացավարներ՝ Նվարդ Մելքոնյան և Տաթևիկ Սիմոնյան։

* Դասընթացի ընտրությունը հիմնվել է ներածական դասընթացի մասնակիցների և ծրագրի նկատմամբ հետաքրքրություն ցուցաբերած անձանց կողմից լրացված դասընթացների քվեարկության թերթիկների ամփոփ արդյունքների վրա: