«ՔՀԿ-ների հզորացում՝ հանուն ԼԳԲՏԻ անձանց հանդեպ խարանի և խտրականության նվազեցման» քառօրյա դասընթաց

«Նոր Սերունդ» Մարդասիրական ՀԿ-ն, «ՔՀԿ-ների և ԶԼՄ-ների հզորացումը՝ Հայաստանում ԼԳԲՏԻ անձանց  հանդեպ խտրականության վերացման նպատակով» ծրագրի շրջանակներում, կազմակերպում է «ՔՀԿ-ների հզորացում՝ հանուն ԼԳԲՏԻ անձանց հանդեպ խարանի և խտրականության նվազեցման» քառօրյա դասընթաց:

Երբ՝ Սեպտեմբերի 15-18, 2017թ.

Որտեղ՝ ընտրված մասնակիցները կտեղեկացվեն հավելյալ նամակով

Դասընթացի նպատակն է հասարակական կազմակերպությունների շրջանում իրազեկվածության մակարդակի բարձրացումը` «Խարան և խտրականություն», «Խոշտանգում», «Խոսքի ազատություն և ատելության խոսք», «Մարդու իրավունքներ. տեղական և միջազգային օրենսդրություն և կոնվենցիաներ», «Սեռականություն» թեմաների վերաբերյալ:

Դուք կարող եք մասնակցել դասընթացին, եթե՝

• Աշխատում եք հայաստանյան որևէ հասարակական կազմակերպությունում

• Հանդիսանում եք ՀԿ կամավոր/ակտիվիստ

• Կարևորում եք մարդու իրավունքները և անտարբեր չեք ԼԳԲՏԻ անձանց առնչվող հիմնախնդիրներին

Դասընթացին կներկայացվեն հետեւյալ թեմաները՝

• Մարդու իրավունքներ․ տեղական և միջազգային օրենսդրություն և կոնվենցիաներ

• Խարան և խտրականություն

• Խոշտանգում

• Խոսքի ազատություն և ատելության խոսք

Դասընթացի աշխատանքային լեզուն հայերենն է:

Մասնակցությունն անվճար է։ Դասընթացի ընթացքում հյուրանոցում կացության և սննդի ծախսերը հոգում է «Նոր Սերունդ» Մարդասիրական ՀԿ-ն:

Մասնակցելու համար խնդրում ենք լրացնել ՀԱՅՏԱԴԻՄՈւՄԸ մինչև 2017 թ.-ի օգոստոսի 10-ը:

Ընտրված մասնակիցներին կուղարկվի պաշտոնական հրավեր և տեղեկատվական փաթեթ:

Կանխավ շնորհակալություն ենք հայտնում հետաքրքրվածության համար:

Ծրագիրն իրականացվում է   Երևանում Չեխիայի Հանրապետության դեսպանության, Անցումային Առաջխաղացման ծրագրի  ֆինանսական աջակցությամբ: