Դրամաշնորհային հնարավորություն Ստեփան Գիշյան բարեգործական հիմնադրամի կողմից

Դիմելու ընթացակարգը

 

Լրացրե՛ք իրավաբանական անձանց համար նախատեսված առցանց հայտը՝ կցելով հայտադիմումի մեջ պահանջվող փաստաթղթերը: Ներկայացված դիմում-փաթեթների հավաքագրումից և ուսումնասիրությունից հետո նախնական հավանության արժանացած ծրագրերի հեղինակները կհրավիրվեն հարցազրույցի: Վերջնական փուլում «Ստեփան Գիշյան» բարեգործական հիմնադրամի Հոգաբարձուների խորհուրդը կընտրի հաղթողներին:

 

Դրամաշնորհի տրամադրման հայտերն ընդունվում են մինչև 2022 թվականի մարտի 15-ը:

 

Ուշացած կամ թերի հայտադիմումները չեն ընդունվի:

 

 

Գործունեության ոլորտները

 

• Սոցիալ-տնտեսական
• Գիտական և կրթական
• Առողջապահական
• Մշակութային

 

 

Մասնակցության պայմանները

 

 

• Ծրագիրն ուղղված է սոցիալ-տնտեսական, կրթական և գիտական, առողջապահական և մշակութային ոլորտներից որևէ մեկի կամ մի քանիսի զարգացմանը,

 

• Ծրագիրն իրականացվելու է բացառապես ՀՀ տարածքում,

 

• Ծրագիրն իրանանացվելու է իրավաբանական անձի կողմից,

 

• Ծրագրի իրականացումն անվտանգ է շրջակա միջավայրի և հասարակության համար,

 

• Ծրագիրն ուղղված է ոչ թե առանձին անձի սեփական շահերի բավարարմանը, այլ հասարակության լայն խմբերի համար նոր հնարավորությունների ստեղծմանը,

 

• Ծրագրի արդյունավետությունը երկարաժամկետ է՝ առնվազն երկու տարվա օգտակարությամբ,

 

• Ծրագիրն ունի հստակ և իրատեսական գործողությունների պլան ու ժամանակացույց:Ներկայացված է մանրամասն տեղեկատվություն ծրագրի իրականացման վերաբերյալ:

 

• Դրամաշնորհն իր մեջ չի ներառում աշխատավարձերի և այլ ընթացիկ, ադմինիստրատիվ, ինչպես նաև վերանորոգման և վերակառուցման ծախսերի վճարում,

 

• Եթե ծրագիրը «Ստեփան Գիշյան» բարեգործական հիմնադրամի կողմից ամբողջությամբ չի ֆինանսավորվում,դրա ամբողջական ֆինանսավորումը համաֆինանսավորողների կողմից պետք է լինի երաշխավորված,

 

• Հիմնադրամը ծրագրի ընտրության ընթացքում նախապատվություն կտա այն ծրագրերին, որոնք կբավարարեն ներքոնշյալ պայմաններից որևէ մեկին կամ մի քանիսին միաժամանակ
   
• Ծրագիրը միտված է հայ-ֆրանսիական կապի ամրապնդմանը,

 

• Ծրագիրը խթանում է նոր աշխատատեղերի ստեղծում,

 

• Ծրագրի իրականացման ընթացքում օգտագործվում է տեղական արտադրությունը և հումքը,

 

• Ծրագիրն առաջարկում է նորարարական լուծում,

 

• Դիմող իրավաբանական անձն առնվազն վերջին երկու տարվա ընթացքում ծավալել է ակտիվ գործունեություն: