Դրամաշնորհային հնարավորություն The Awesome Foundation-ի կողմից: Awesome Nature Armenia

“Awesome Nature Armenia”-ն իր շուրջ է միավորել 60-ից ավելի տարբեր մասնագետների, գիտնականների, բնապահպանների, որոնց միավորում է մեր բնաշխարհն առավել «օսըմ» դարձնելու գաղափարը։

 

 

ՄԵՆՔ յուրաքանրյուր ամիս 300000-500000 ՀՀԴ-ին համարժեք դրամաշնորհ ենք տրամադրում առանց ավելորդ գլխացավի և թղթավարության։ ԴՈՒՔ իրականացնում եք ձեր խենթ նախագիծը, պատրաստում տեսանյութ ու ներկայացնում մեզ, որտեղ պատմում եք գաղափարի իրագործման և բնության պահպանման վրա դրա ազդեցության մասին։

 

 

Մենք չենք աջակցում արդեն գոյություն ունեցող նախագծերի, և դրամաշնորհը պետք է ծածկի իրականացման ծախսերն ամբողջությամբ`բացառելով աշխատավարձերը:

 

 

Ձեր ծրագիրը համապատասխանում է, եթե՝

 

• Ունի բնապահպանական ուղղվածություն։

• Ունի նորարարական բնույթ։

• Իրականացվելու է ՀՀ մարզերից մեկում, բացառելով Երևանը։

• Հայտը պետք է ներկայացվի մարզաբնակի կողմից, կարող է ներառել թիմի երևանաբնակ անդամ:

• Ծախսերը թվային ձևաչափով և կոնկրետ հաշվարկներով ներկայացված են և իրատեսական են:

• Հնարավոր լինի իրականացնել առավելագույնը 3 ամսվա ընթացքում։

• Արդյունքը կիրարկվող է և ունի շարունակական բնույթ։

• Հայտում բոլոր բաժինները լրացված են պատշաճ և պահանջներին համապատասխան։

• Իրականացնել կամավորական սկզբունքով:

 

 

Մենք փնտրում ենք նախագծեր, որտեղ դրամաշնորհը կարող է խթան հանդիսանալ փոփոխության համար։ Նախագիծը պետք է լինի իրատեսական, ինչպես նաև խթանի Ձեր համայնքի զարգացումը։

 

 

Դիմել դրամաշնորհի՝ սեղմելով այս հղմանը։

Դիմումների ընդունման վերջնաժամկետը յուրաքանչյուր ամսվա առաջին օրվա 23:59 է:

 

 

Եզրափակիչ փուլ անցած մասնակիցներին մենք հրավիրում ենք մեզ հետ ծանոթանալու և անձամբ ներկայացնելու իրենց նախագիծը: Հաշվի առնելով կորոնավիրուսային համավարակով պայմանավորված սահմանափակումները՝ հանդիպումներն իրականացվում են առցանց տարբերակով: Ցանկության դեպքում նախագծի ներկայացմանը կարող ենք հրավիրել Ձեր ընկերներին ու գործընկեր կազմակերպությունների ներկայացուցիչներին:

 

Հաղթողը հայտարարվում է առցանց միջոցառման ավարտին: Հաղթող նախագիծը պետք է իրագործվի հայտարարելուց հետո առավելագույնը 3 ամսվա ընթացքում։

 

Հարցերի դեպքում գրեք մեզ՝ [email protected]