Մեկնարկել է դպրոցահասակ ստեղծագործողների <<Հասկեր>> գրական մրցույթը
Մեկնարկել է դպրոցահասակ ստեղծագործողների <<Հասկեր>> գրական մրցույթը հետևյալ անվանակարգերում.
Արձակ
Պոեզիա
Մրցույթով ընտրված ստեղծագործությունները լույս կտեսնեն <<Հասկեր>> ժողովածուով, լավագույնները կտպագրվեն հանրապետական մանկական մամուլում, կզետեղվեն մրցույթի էլեկտրոնային էջում, կարժանանան մրցանակների և պարգևների: Մրցանակակիր հեղինակների հետ աշխատած ուսուցիչներին կտրվեն շնորհակալագրեր: Քանի որ այս տարվա մրցույթը նվիրվելու է Հովհաննես Թումանյանի ծննդյան 150-ամյակին, ժողովածուում կլինի առանձին բաժին, որտեղ կզետեղվեն ձեր խոհերն ու մտածումները մեծ գրողի որևէ ստեղծագործության մասին կամ նրան նվիրված ձեր բանաստեղծությունները։
Մրցույթի ավարտին տեղի կունենա ժողովածուի շնորհանդես և մրցանակների հանձնում:
Գործերն ուղարկել [email protected] էլեկտրոնային հասցեին: Դրեք ձեր ստորագրությունը, նշեք տվյալները (անուն, ազգանուն, հայրանուն, բնակավայր, դպրոց, դասարան, հայոց լեզվի և գրականության ուսուցչուհու անուն-ազգանունը, պարտադիր՝ նաև լուսանկար։ Նշված տվյալներից որևէ մեկի բացակայության դեպքում ուղարկված գործը չի ընթերցվի և դուրս կմնա մրցույթից): Վերջին ժամկետը 2018թ․հոկտեմբերի 31-ն է: Արդյունքները կամփոփվեն 2019 թ սկզբին՝ մեծ բանստեղծի ծննդյան 150-այակին նվիրված միջոցառումների շրջանակում: