Մասնակցության հրավեր ԹԻՀԿ-ի կողմից․ Դասընթաց Իրական շահառուների թափանցիկության թեմայով

 

Թրանսփարենսի Ինթերնեշնլ հակակոռուպցիոն կենտրոնը կազմակերպում է դասընթաց իրական շահառուների թափանցիկության թեմայով՝ ներկայացնելու և քննարկելու իրական շահառուների թափանցիկության գլոբալ միտումները, միջազգային լավագույն փորձը, Հայաստանում տեղի ունեցող զարգացումները և դրանց նպատակը, գործիքակազմը, ակնկալիքները:

 

Դասընթացը նախատեսված է`

 

• քաղաքացիական հասարակության կազմակերպությունների,

 

• ԶԼՄ ներկայացուցիչների,

 

• պետական կառավարման համակարգի մարմինների աշխատակիցների,

 

• մասնավոր հատվածի ներկայացուցիչների,

 

• շահագրգիռ այլ քաղաքացիների համար:

 

Միջոցառումը կազմակերպվում է «Միջազգային մասնավոր ձեռներեցության կենտրոնի» (Center for International Private Enterprise) աջակցությամբ:

 

Դասընթացը կվարեն Հայաստանում իրական շահառուների թափանցիկության առաջխաղացման գործընթացում ներգրավված փորձագետները:

 

Դասընթացները նախատեսվում է կազմակերպել Երևանում: Մարզերի մասնակիցների համար տրանսպորտային ծախսերը կփոխհատուցվեն, իսկ Սյունիքից եկող մասնակիցների դեպքում կփոխհատուցվի նաև գիշերակացը։

 

Դասընթացին մասնակցելու համար խնդրում ենք գրանցվել առցանց մինչև ս․թ․ հոկտեմբերի 5-ը։