Փոքր թիմերով մեծ գործեր
Հրապարակված է` 26 օգոստոսի, 2022
Համաժողովի մասնակցության հրավեր ՀՌԿԿ-Հայաստանի կողմից․ Բացահայտելով միգրացիան Կովկասում և Կովկասից դուրս
Հետազոտական ռեսուրսների կովկասյան կենտրոն-Հայաստան հիմնադրամը (ՀՌԿԿ-Հայաստան) սիրով հրավիրում է ձեզ սեպտեմբերի 27-28-ին մասնակցելու «Բացահայտելով միգրացիան Կովկասում և Կովկասից դուրս» երկօրյա առցանց համաժողովին, որը գումարվում է տարածաշրջանի մյուս ՀՌԿԿ-Վրաստանի հետ համագործակցությամբ։
Համաժողովի նպատակն է ի մի բերել միգրացիայի վերաբերյալ տարածաշրջանային և միջազգային միտքը, ուսումնասիրություններն ու փորձառությունը՝ միգրացիայի վերաբերյալ տվյալների հավաքագրման և ապացույցների վրա հիմնված քաղաքականության մշակման հետ կապված խնդիրների լուծման համար: Համաժողովը պետք է ծառայի որպես տեղեկացված գործողությունների կոչ՝ միգրացիոն հետազոտությունների ավելի արդյունավետ համաժամանակեցման և տվյալահեն որոշումների կայացման համար:
Համաժողովը բաղկացած կլինի տարածաշրջանի երկրների՝ միգրացիայի ոլորտի պաշտոնյաների և փորձագետների մասնակցությամբ պանելային քննարկումներից, ինչպես նաև ոլորտին վերաբերող ուսումնասիրությունների ու քաղաքականությունների առաջարկների ներկայացումներից:
Համաժողովը տեղի կունենա ամբողջությամբ առցանց՝ Zoom հարթակի միջոցով։ Համաժողովի աշխատանքային լեզուն անգլերենն է։ Նախնական օրակարգին կարող եք ծանոթանալ այստեղ։
Համաժողովին կարող եք մասնակցել որպես ունկնդիր կամ ներկայացնել ձեր աշխատանքը՝ լրացնելով այս հայտը։
Դասընթաց