Աշխատանքի հնարավորություն «Ագաթ» հաշմանդամություն ունեցող կանանց իրավունքների պաշտպանության կենտրոն ՀԿ-ի կողմից․ իրավաբան

Պաշտոնը՝ Կոալիցիայի իրավաբան

Աշխատաժամանակ՝ 40% զբաղվածություն

Տևողություն՝ 16 ամիս

Աշխատանքի սկիզբ՝ Հունվարի 1, 2022

Վայրը` Հայաստանի Հանրապետություն

 

 

Ներառական իրավական բարեփոխումների կոալիցիան հայտարարում է Կոալիցիայի իրավաբանի թափուր աշխատատեղի մրցույթ:

 

Կոալիցիայի իրավաբանը ենթարկվում է ծրագրի ղեկավարին: 

 

Աշխատանքային պարտականություններ՝

 

• աշխատել  Կոալիցիայի  համակարգողի և իրավական հանձնաժողովի համակարգողի հետ, 

 

• սերտ համագործակցությամբ աշխատել ծրագրի աշխատակազմի, Կոալիցիայի բոլոր աշխատանքային հանձնաժողովների համակարգողների հետ,

 

• կազմակերպել և տրամադրել իրավաբանական խորհրդատվություն հաշմանդամություն ունեցող անձանց և նրանց ընտանիքների անդամներին, ծրագրի շահառուներին՝ «Դեպի ներառական Հայաստան» ծրագրի իրավական հանձնաժողովի համակարգողի հետ սերտ համագործակցությամբ,

 

• արագ արձագանքել հաշմանդամություն ունեցող անձանց իրավունքների մասին օրենսդրության, հարակից օրենքների, ենթաօրենսդրական ակտերի փոփոխություններին և լրամշակումներին,

 

• տրամադրել նյութեր և տեղեկատվություն, ինչպես նաև կատարված աշխատանքների վերաբերյալ տեղեկատվություն  մյուս աշխատանքային հանձնաժողովներին և Կոալիցիայի անդամներին,

 

• պատշաճ կատարել ծրագրի ղեկավարի կողմից տրված առաջադրանքները,

 

• յուրաքանչյուր ամիս ներկայացնել կատարված աշխատանքների մասին հաշվետվություն: 

 

 

Պահանջվող որակավորումներ և կարողություններ՝

 

• իրավաբանական բարձրագույն կրթություն, իրավաբանական տերմինաբանության գերազանց իմացություն,

 

• ՀՀ իրավական համակարգի, մասնավորապես հաշմանդամություն ունեցող անձանց  իրավունքներին առնչվող օրենքների և օրենսդրության ճյուղերի գերազանց իմացություն,

 

• հաշմանդամություն ունեցող անձանց միջազգային իրավունքի և ՀՀ օրենսդրության մաս կազմող միջազգային իրավական գործիքների իմացություն,

 

• նվազագույնը 3 տարվա աշխատանքային փորձ հաշմանդամություն ունեցող անձանց իրավունքների պաշտպանությանն ուղղված ծրագրերում,

 

• հայերեն լեզվի գրավոր և բանավոր գերազանց իմացություն, անգլերեն և ռուսերեն լեզուների իմացությունը կհամարվի առավելություն,

 

• հաշվետվությունների կազմման գերազանց հմտություններ,

 

• կազմակերպչական և հաղորդակցության հմտություններ,

 

• ազդեցության և բանակցային գերազանց հմտություններ,

 

• ստեղծագործ մտածողություն, նախաձեռնողական և պրոակտիվ մոտեցում,

 

• անկախ և թիմում աշխատելու, ինչպես նաև պաշտոնից բխող այլ հանձնարարություններ կատարելու, ժամանակը կառավարելու և սթրեսային իրավիճակներում գործելու ունակություն։

 

 

Դիմելու կարգը 

 

Համապատասխան որակավորում ունեցող անձինք կարող են ներկայացնել  իրենց ինքնակենսագրականը և հետաքրքրվածության նամակը հայերեն կամ անգլերեն լեզուներով  [email protected]  հասցեին մինչև ս.թ դեկտեմբերի 15-ը: Նամակի թեմա դաշտում խնդրում ենք նշել այն հաստիքի անվանումը, որի համար դիմում եք։

 

***

 

«Դեպի ներառական Հայաստան» ծրագիրն իրականացվում է «Ագաթ» հաշմանդամություն ունեցող կանանց իրավունքների պաշտպանության կենտրոն ՀԿ-ն՝ ի դեմս Ներառական իրավական բարեփոխումների կոալիցիայի: Ծրագիրը ֆինանսավորվում է Եվրոպական միության կողմից:

 

Այս հրապարակումը պատրաստվել է Եվրոպական միության ֆինանսական աջակցությամբ: Բովանդակության համար պատասխանատվություն է կրում «Ագաթ» հաշմանդամություն ունեցող կանանց իրավունքների պաշտպանության կենտրոն ՀԿ-ն՝ ի դեմս Ներառական իրավական բարեփոխումների կոալիցիայի, և պարտադիր չէ, որ արտահայտի Եվրոպական միության տեսակետները: