Սեմինարների շարք «Կյանքի հմտությունների դպրոց»

Բաց է գրանցման համար մինչև 2015-10-31

«Կյանքի հմտությունների դպրոց»-ը, որը  կազմակերպվում է «Ապրի՛ր երազանքդ» կյանքի հմտությունների Ջինիշյան կենտրոնի կողմից: Այն նպատակ ունի օգնել երիտասարդներին իրականացնելու իրենց երազանքները` փոխանցելով նրանց անձնական արդյունավետությունը բարձրացնող գիտելիքներ և հմտություններ:

Սեմինարների համառոտ բովանդակություն

• Ո՞վ եմ ես

 

Այս դասընթացը թույլ կտա բազմակողմանի ձևով բացահայտեք ինքներդ Ձեզ: Այն ընդգրկում է հետևյալ թեմաները    

 

- Ճանաչել` ով ենք մենք

- Ճանաչել մեր անձնավորության տեսակը և հասկանալ այլ մարդկանց անձնավորության տեսակները

- Հասկանալ` ինչ հանգամանքներ են ազդում մեր անձնավորության կայացման վրա

- Ինքնագիտակցում, ինքնաճանաչում և ինքնագնահատական

• «Արդյունավետ մարդկանց յոթ սովորույթները»

Սթիվեն Քովիի «Արդյունավետ մարդկանց յոթ սովորույթներ» աշխատությունը համարվում է անձնական զարգացման ամենաազդեցիկ գրքերից մեկը, որը կարող է օգնել մարդուն վերափոխել իր կյանքը` դարձնելով այն ավելի արդյունավետ և հասնել իր երազանքների իրականացմանը: «Արդյունավետ մարդկանց յոթ սովորույթները» աշխատությունն իր առաջին տպագրությունից ի վեր մինչ օրս վաճառվել է ավելի քան 25մլն օրինակով 38 լեզուներով: Գրքում զետեղված այս սովորույթները կյանքի` իրար հետ փոխկապակցված և փոխգործող կանոնների, ոգեշնչող նորմերի մի պարզ շարք է, որոնցից յուրաքանչյուրն իր հերթին հզոր և արժեքավոր գործիք է այն անձանց համար, ովքեր ձգտում են ապրել լիարժեք, իմաստալից և նպատակներով լեցուն կյանք:

Եթե պատրաստ եք Ձեր կյանքին նոր որակ հաղորդելու, աճելու և նորանոր նվաճումներ ունենալու, ապա այս սեմինարը Ձեզ համար է:

• «Հուզական բանականություն- Emotional Intelligence» և ինքնաճանաչում

1990-ականներին գիտնականները սկսեցին գիտակցել, որ կյանքի հաջողության, անձնային բավարարվածության համար հուզական բանականությունը (Emotional Intelligence) նույնքան կարևոր է, որքան IQ-ն:

Սեմինարը կօգնի հասկանալ` ով ենք մենք իրականում: Կուսումնասիրենք տարբեր ներքին ուժեր, որոնք մեզ մղում են որոշակի գործողությունների, կբացահայտենք, որ կարող ենք լինել մեր վատագույն թշնամին ու լավագույն ընկերը: Սեմինարի շրջանակներում կանդրադառնանք այնպիսի թեմաների, ինչպիսիք են անհատականության ձևավորումը, անձի տեսակները, ինչպես նաև` ինչպես ձևավորել առողջ անհատականություն: Այս սեմինարն ուղղված է բարձր հուզական բանականության համար անհրաժեշտ հմտությունների ուսումնասիրմանը և թե ինչպես պետք է ձեռք բերել այդ հմտությունները:

 

Ձևաչափ

«Կյանքի հմտությունների դպրոց»-ը կազմված է ընդհանուր առմամբ 25 հանդիպումից:

Դասերն սկսվում են  2015 թ. նոյմբեր ամսից յուրաքանչյուր երեքշաբթի և հինգշաբթի օրերին` ժամը 18:30-20:30

Հանդիպումների մի մասը սեմինար-դասախոսություններ, իսկ մյուս մասը ինտերակտիվ բնույթ են կրում` ներառյալ թիմային խաղեր, ֆիլմերի դիտում, քննարկումներ, դեբատներ, դասախոսություններ և ինֆորմատիվ նյութեր, որոնք կլրացնեն ծրագրի ֆորմալ մասը` մասնակիցներին տալով շփվելու և միմյանցից սովորելու բազմազան հնարավորություններ: (Կարդալ մասնակիցների տպավորությունները)

Մասնակիցները պարբերաբար կկատարեն հանձնարարություններ, որոնք կօգնեն կիրառելու ստացած գիտելիքները, ինչպես նաև ստուգելու համար նյութերի յուրացման մակարդակը:

Սեմինարներին անընդմեջ մասնակցելու և բոլոր հանձնարարությունների բծախնդիր կատարումից հետո մասնակցին կտրվի վկայական:

Հանդիպումները տեղի կունենան «Ապրի՛ր երազանքդ» կյանքի հմտությունների Ջինիշյան կենտրոնում, Բաղրամյան 18 հասցեում:

Մասնակցության պայմաններ

Սեմինարին կարող են մասնակցել 23-35 տարեկան երիտասարդները, որոնք սովորում են բարձրագույն ուսումնական կենտրոնում կամ արդեն ավարտել են իրենց ուսումը:

Մասնակցել ցանկացողները կարող են գրանցվել ստորև և պարտադիր ուղարկել իրենց CV-ին [email protected] էլ. հասցեին: Նախնական ընտրությունից հետո մասնակիցները կհրավիրվեն հարցազրույցի:Խնդրում ենք նամակի վերնագրի մասում նշել "Կյանքի հմտությունների դպրոց":

Սկզբնաղբյուրը կարելի գտնել այստեղ: