«Վերբեռնելով ՆՓԱԿ-ը» միջազգային ճարտարապետական բաց մրցույթ բոլոր հետաքրքրվող անհատների և խմբերի համար
Աղբյուրը՝ www.facebook.com
Ուրբանլաբը, Պողոսյան հիմնադրամի նախաձեռնությամբ, հայտարարում է “Վերբեռնելով ՆՓԱԿ-ը” միջազգային ճարտարապետական բաց մրցույթ բոլոր հետաքրքրվող անհատների և խմբերի համար։
Այն նպատակ ունի գտնել Երևանի Բուզանդի 1/3 հասցեում գտնվող ՆՓԱԿ-ի առկա շինության համար լավագույն նախագծային լուծումները, որոնք ժամանակակից ճարտարապետական լեզվով կարտացոլեն փաթեթում նշված հայեցակետերը՝ գիտակցելով սոցիալական և բնապահպանական պատասխանատվությունը, արմատական տեխնիկական փորձարկման կարևորությունը և ՆՓԱԿ-ի ժառանգության ու ավանդույթների շարունակականությունը պահպանելու անհրաժեշտությունը:
Մասնակցությունն անվճար է, իսկ աշխատանքների ներկայացման վերջնաժամկետն է հունիսի 25-ը։
Մրցույթի մասնակցության եւ մրցութային փաթեթի ստացման համար անհրաժեշտ է նամակ ուղարկել [email protected] հասցեին, վերնագրի (subject) դաշտում նշելով “Competition Package”, որից հետո կտրամադրվի մրցույթի մասնակցության համար անհրաժեշտ հղումը։
Մրցույթի մանրամասներին և մասնակցությանը կարող եք ծանոթանալ հետևյալ հղմամբ`այստեղ։