COVID-19ի հաղթահարման ԵՄ ֆոնդ

«Համագործակցություն հանուն սոցիալական ազդեցության» ծրագրի շրջանակներում Իմփաքթ Հաբ Երևանը հայտարարում է հայտադիմումների ընդունում COVID-19-ի հաղթահարման ԵՄ ֆոնդի համար, որը նպատակ ունի աջակցել Հայաստանում սոցիալական ձեռնարկություններին հաղթահարելու պանդեմիայի հետևանքները և օգնելու դառնալ առավել կայուն հետագա նմանատիպ ճգնաժամերի հանդեպ։

Սոցիալական ձեռնարկությունները կարող են ուղարկել հայտադիմումներ 3.5 միլիոնից 9 միլիոն դրամի(միջինը 5,640-14,510 EUR) սահմաններում ֆինանսավորման համար։ COVID-19 աջակցման ֆոնդի միջին դրամաշնորհային արժեքը կկազմի մոտ 6.2 միլիոն դրամ (10,000 EUR), սակայն ավելի մեծ բյուջե կարող է դիտարկվել, հաշվի առնելով դիմորդ սոցիալական ձեռնարկության կարիքները, սոցիալական ազդեցությունը և բիզնեսի շահութաբերությունը։

Ինչպես նշված է հայտադիմումի մեջ, դիմորդները պետք է ներկայացնեն իրենց կանխատեսվող բյուջեն, որից նվազագույնը 20%-ը պետք է ուղղված լինի միջին և երկարաժամկետ քայլեր անելուն (կայունության կառուցում), օրինակ՝ օնլայն վաճառքների համակարգի ներդրում, վաճառքի լրացուցիչ ուղիներ, նոր արտադրանք կամ ծառայություն։ 

Հիմնական ամսաթվերը

COVID-19 աջակցման ֆոնդի մեկնարկ – 22 Մարտ 2021

տեղեկատվական հանդիպում – 29 Մարտ 2021 (Առցանց 16: 00-17: 30, տե՛ս Զումի Հղումը)

Հայտադիմումների ընդունման վերջնաժամկետ – 12 Ապրիլ 2021 ժամը 23:59

Իրավասության չափանիշներ

• Սոցիալական ձեռնարկությունները պետք է գրանցված լինեն որպես ՀԿ, հիմնադրամ, ՍՊԸ կամ ԱՁ, համարեն իրենց սոցիալական ձեռնարկություն և համապատասխանեն Եվրոպական միության կողմից մշակված սոցիալական ձեռներեցության սահմանմանը (հղումը անգլերենով)։
• Սոցիալական ձեռնարկությունները պետք է լինեն գրանցված/կամ գործող 2020 թվականի մարտ ամսին, կամ պետք է նախատեսեին մեկնարկել գործունեություն 2020 թվականի սկզբին, ինչը հետաձգվել է COVID-19 համավարակի պատճառով։
• Հայտադիմումը լրացնելու պահին սոցիալական ձեռնարկությունը պետք է լինի գրանցված և ծավալի գործունեություն Հայաստանի Հանրապետության տարածքում ։