Դրամաշնորհի հայտադիմում Պատերազմի և խաղաղության լուսաբանման ինստիտուտի կողմից

Ծրագիր։ Ուժեղացնելով արևելյան հարևանության կայունությունը (BREN)

Կարող են դիմել։ Քաղաքացիական հասարակության կազմակերպությունները Հայաստանում: Ուշադրություն. սա վերաբերում է նոր կազմակերպություններին և BREN-ի նախկին գործընկերներին:

Վերջնաժամկետը։ 27 մայիսի, 2024թ.

Դրամաշնորհի չափը։ մինչև 50․000 ֆունտ ստերլինգ (GBP)

Հատկացվելիք դրամաշնորհների նախատեսված քանակը։ 4-5

Նախագծի գործողության ժամկետը։ մինչև 7 ամիս (բոլոր նախագծերը պետք է ավարտվեն մինչև 2025 թվականի հունվարի 31-ը)

 

 

Պատերազմի և խաղաղության լուսաբանման ինստիտուտը (ՊԽԼԻ) ներկայումս ընդունում է հայտեր Հայաստանի քաղաքացիական հասարակության կազմակերպություններից՝ «Ուժեղացնելով արևելյան հարևանության կայունությունը» (BREN) ծրագրի շրջանակներում:

 

BREN ծրագրի ընդհանուր նպատակն է ուժեղացնել կանանց և մարգինալացված խմբերի մարդկային անվտանգությունը Հայաստանում, Ադրբեջանում, Վրաստանում և Մոլդովայում՝ կառուցելով քաղաքացիական հասարակության կայունություն:

 

 

Հայաստանում BREN-ն ունի հետևյալ թեմատիկ առաջնահերթությունները`

 

• առաջ մղել Կանայք, խաղաղության և անվտանգության օրակարգը և աջակցել Հայաստանում ՄԱԿ-ի Անվտանգության խորհրդի 1325 բանաձևի Գործողությունների ազգային 2-րդ ծրագրի իրականացմանը, ինչպես նաև  աջակցել Հայաստանում ՄԱԿ-ի Անվտանգության խորհրդի 1325 բանաձևի վերաբերյալ Գործողությունների ազգային 3-րդ ծրագրի մշակմանը,
• բարձրացնել տարբեր խմբերի՝ հատկապես ազգային փոքրամասնությունների, հաշմանդամություն ունեցող անձանց, ինչպես նաև այլ մարգինալացված և խոցելի խմբերի ընդգրկվածությունը Հայաստանում խաղաղության և անվտանգության վերաբերյալ քննարկումների և որոշումների կայացման գործընթացում,
• բարելավել ՔՀԿ-ների կազմակերպչական կարողությունները` իրենց աշխատանքի ոլորտներում ազդեցիկ և կայուն արդյունքներ ապահովելու համար:

 

 

Խնդրում ենք նկատի ունենալ՝ դրամաշնորհային հայտ կարող են ուղարկել BREN ծրագրի շրջանակներում նախկինում աջակցություն չստացած նոր կազմակերպությունները, ինչպես նաև նախկին դրամաշնորհառուները: BREN ծրագրի շրջանակներում նախկինում աջակցություն ստացած գործընկերները կամ նրանք, ովքեր դիմել են BREN ֆինանսավորման այլ հնարավորությունների համար, նույնպես կարող են դիմել: Այնուամենայնիվ, խնդրում ենք նկատի ունենալ, որ 2024 թվականի ընթացքում յուրաքանչյուր կազմակերպության կտրամադրվի առավելագույնը մեկ դրամաշնորհ:

 

 

Պահանջներ

 

Կարող են դիմել Հայաստանում գրանցված քաղաքացիական հասարակության բոլոր կազմակերպությունները։

Հետաքրքրված դիմորդները պետք է համապատասխանեն վերը նշված թեմատիկ առաջնահերթություններին:

 

ՊԽԼԻ-ն կարող է աջակցել հետևյալ գործողությունների իրականացմանը.

 

• Նյութերի արտադրություն. սա կարող է ներառել ծրագրի խնդիրներից բխող հետազոտություն, կրթական, գովազդային կամ մեդիա բովանդակության արտադրություն:
• Շահերի պաշտպանություն. սա ուղղված է կառավարությանը, տեղական կառավարման մարմիններին կամ համայնքային կառույցներին, ինչպիսիք են կրթական և կրոնական հաստատությունները:
• Համայնքային աշխատանք. խոցելի համայնքների՝ հատկապես կանանց, էթնիկ և կրոնական փոքրամասնությունների, տեղահանված անձանց և փախստականների, ինչպես նաև երիտասարդների և այլ խոցելի խմբերի գիտելիքների և հմտությունների բարձրացմանն ուղղված գործունեություն՝ ԿԽԱ օրակարգի շրջանակներում:
• Սոցիալական համախմբվածություն. գործունեություն, որը կենտրոնացած է սոցիալական արդարության, տնտեսական հզորացման, կանանց և այլոց կարողությունների զարգացման վրա՝ հատկապես նրանց, ովքեր անմիջականորեն տուժել են հակամարտությունից:
• Կարողությունների զարգացում. տրված թեմատիկ ոլորտներում շահառուների, գործընկեր կազմակերպությունների կամ այլ շահագրգիռ կողմերի կարողությունների զարգացմանն աջակցող գործունեություն:
• Ցանցային կապ. գործունեություն, որն աջակցում է ցանցերի ստեղծմանը նշված թեմատիկ ոլորտներում աշխատող խմբերի կամ անհատների միջև՝ ներառյալ ռեսուրսների և ջանքերի փոխանակումը տարբեր խմբերի/անհատների միջև փոփոխություններ զարգացնելու կամ կատալիզացնելու համար:

 

Առաջարկվող նախագծի ժամկետը չպետք է գերազանցի յոթ ամիսը: Բոլոր նախագծերը պետք է ավարտվեն մինչև 2025 թվականի հունվարի 31-ը: Աջակցվող նախագծերի բյուջեի միջակայքը 20․000-50․000 ֆունտ ստերլինգ (GBP) է:

 

 

Դիմել հատկապես խրախուսվում է`

 

• կանանց և/կամ երիտասարդների կողմից ղեկավարվող կազմակերպություններին,
• տեղահանված անձանց, էթնիկ և կրոնական փոքրամասնությունների և խոցելի այլ խմբերի և համայնքի կողմից ղեկավարվող կազմակերպություններին,
• մայրաքաղաքից դուրս` հատկապես սահմանամերձ շրջաններում գործող կազմակերպություններին,
• նորաստեղծ կազմակերպություններին:

 

 

Այս մրցույթը նպատակ ունի խթանելու կազմակերպությունների միջև գործընկերությունը, հետևաբար համատեղ դիմումները խրախուսվում են՝ հատկապես հետևյալ համակցություններով.

 

• մայրաքաղաքում և նրա սահմաններից դուրս գործող կազմակերպություններ,
• տարբեր ոլորտներում մասնագիտացված կազմակերպություններ,
• լրատվամիջոցների հետ համագործակցող ՔՀԿ-ներ,
• մեծամասնություն (էթնիկ, կրոնական, գենդերային ինքնություն և այլ) և փոքրամասնություն (էթնիկ, կրոնական, գենդերային ինքնություն և այլ) կազմող խմբերի կողմից ղեկավարվող կազմակերպություններ,
• BREN-ի անդամ հանդիսացող տարբեր երկրների կազմակերպություններ: Եթե կազմակերպությունը ցանկանում է առաջարկ ներկայացնել մեկ այլ երկրի կազմակերպության հետ համատեղ, ՊԽԼԻ-ն կաջակցի համապատասխան գործընկերների բացահայտմանը: Աջակցության համար խնդրում ենք կապ հաստատել ՊԽԼԻ-ի BREN ծրագրի Հայաստանի համակարգող Քնարիկ Մկրտչյանի հետ՝ [email protected] էլեկտրոնային հասցեով մինչև 2024 թվականի մայիսի 21-ը:

 

 

Հնարավոր դիմորդները պետք է ցուցաբերեն`

 

• հարգանք գենդերային հավասարության և բազմազանության նկատմամբ,
• զգայունություն հակամարտության և գենդերային հարցերի շուրջ,
• ռիսկերը վերհանելու, վերլուծելու և նվազեցնելու ունակություն,
• նախագծի կառավարման թափանցիկություն և հաշվետվողականություն՝ ներառյալ ֆինանսների կառավարման հմտությունները,
• սովորելու և այլ դրամաշնորհ ստացողների հետ փորձի փոխանակման պատրաստակամություն,
• դրամաշնորհի շրջանակներում սկսված աշխատանքները շարունակելու կայունության ծրագիր։

 

 

Սույն մրցույթը BREN խոշոր ծրագրի մի մասն է: Դիմորդներին խորհուրդ է տրվում մասնակցել փորձի փոխանակման և կարողությունների զարգացման ազգային և տարածաշրջանային միջոցառումներին:

 

Ֆինանսավորում ստացողները կարող են անցնել կազմակերպչական և կայունության կարիքների գնահատում՝ նախագծի մրցանակի շնորհման նախնական փուլերում: Բոլոր Ֆինանսավորում ստացողներին խորհուրդ է տրվում մասնակցել կարիքների գնահատման և հարակից կարողությունների զարգացման միջոցառումներին:

 

 

Գնահատում

 

Հայտերի գնահատման գործընթացը կանցկացվի երկու փուլով: Առաջին փուլում հայտերը կընտրվեն ՊԽԼԻ-ի կոզմից՝ հիմնվելով հետևյալ չափանիշների վրա`

 

Գնահատում	Միավորներ
Առաջարկը հստակ և մանրամասն է, առկա են բոլոր անհրաժեշտ փաստաթղթերը, և առաջարկվող նախագիծը հստակ համապատասխանում է BREN ծրագրի թեմատիկ առաջնահերթություններին:	8-10 միավոր
Առաջարկը հիմնականում հստակ է և պարունակում է բավարար տեղեկատվություն, հիմնական փաստաթղթերի մեծ մասն առկա է, և առաջարկվող նախագիծը, ընդհանուր առմամբ, համապատասխանում է BREN ծրագրի թեմատիկ առաջնահերթություններին:	5-7 միավոր
Առաջարկը հստակ չէ, կա՛մ բացակայում են փաստաթղթերը, կա՛մ թեմատիկ ուղղվածությունը չի համապատասխանում BREN ծրագրի թեմատիկ առաջնահերթություններին:	1-4 միավոր

 

ՊԽԼԻ-ն հայտերի ընտրման փուլում կարող է պարզաբանումներ խնդրել կազմակերպություններից: Առնվազն 5 միավոր հավաքած առաջարկները կներկայացվեն ընտրող հանձնաժողովին՝ ամբողջական դիտարկման համար: ՊԽԼԻ-ն կարող է բարձրացնել շեմը, եթե 15-ից ավելի առաջարկներ ստանան 5-ից ավելի միավոր:

 

 

Եզրափակիչ փուլ

 

Ընտրող հանձնաժողովը, որի կազմում են ՊԽԼԻ-ի և Հայաստանում Մեծ Բրիտանիայի դեսպանատան ներկայացուցիչները, կգնահատի առաջարկները՝ հիմնվելով ստորև բերված աղյուսակում սահմանված չափանիշների վրա: Ամենաբարձր միավորներ հավաքած դիմորդները կընտրվեն ֆինանսավորման համար: Ֆինանսավորումը կախված կլինի գնահատումից: Նախկին դրամաշնորհառուների համար ՊԽԼԻ-ն հաշվի կառնի նաև նախկին աշխատանքային փորձը, ինչպես, օրինակ` ժամկետների պահպանումը և հաշվետվությունների որակը, և համապատասխան առաջարկներ կներկայացնի ընտրող հանձնաժողովին քննարկման համար:

 

Հ/Հ	Չափանիշներ	Առավելագույն միավորներ
1.	Համարժեք արձագանք մրցույթի առաջադրած նպատակներին Նախագիծը համապատասխանում է սույն մրցույթով սահմանված նպատակներին, ինչպես նաև առաջարկում է համապատասխան լուծումներ Հայաստանում առկա մարտահրավերներին: Այն հիմնված է արդեն գոյություն ունեցող գործունեության վրա և մեծացնում է դրա արժեքը:	30
2.	Տեխնիկական մոտեցում Առաջարկվող նախագիծը ներկայացնում է իրավիճակի հստակ վերլուծություն և հատկորոշում է նախագծի նպատակները, արդյունքները և գործողությունները, որոնք կապված են մեկը մյուսի հետ: Նախագիծը կարող է իրականացվել չափավոր ռիսկերով:	30
3.	Կազմակերպության կայունություն Նախագիծը ցույց է տալիս, որ դրա իրականացումը բխում է կազմակերպության շահերից և կօգնի նրան դառնալ ավելի կայուն:	20
4.	Ծախսերի գնահատում Նախագծի բյուջեն հստակ է և համապատասխանում է տեխնիկական մոտեցմանը: Ներառված ծախսերը ողջամիտ են և բավարար` նախագծի նպատակներին հասնելու համար:	20
Տեխնիկական առավելագույն ընդհանուր միավոր		100

 

 

Դիմելու գործընթաց

 

Հետաքրքրված կազմակերպությունները պետք է լրացնեն և ուղարկեն հայտադիմումներն ու բյուջեի ձևաթուղթը հետևյալ էլեկտրոնային հասցեին՝ [email protected]

 

Հայտադիմումները կարող են ներկայացվել անգլերենով կամ հայերենով: Նախընտրելի է հայտը ներկայացնել անգլերենով, սակայն հայտադիմումի լեզուն չի ազդի շահող հայտի ընտրության վրա:

 

Աջակցության համար խնդրում ենք կապ հաստատել BREN ծրագրի Հայաստանի համակարգող Քնարիկ Մկրտչյանի հետ՝ [email protected] էլեկտրոնային հասցեով մինչև 2024 թվականի մայիսի 21-ը:

 

ՊԽԼԻ-ի աշխատակիցները կպատասխանեն Ձեր հարցերին մինչև 2024 թվականի մայիսի 21-ը:

 

Սույն դրամաշնորհային մրցույթի վերաբերյալ տեղեկատվական առցանց հանդիպումը տեղի կունենա մայիսի 17-ին՝ Հայաստանի ժամանակով ժամը 11:00-ին, Zoom հարթակում: Նիստին մասնակցելու համար հետաքրքրված կազմակերպությունները կարող են գրանցվել հետևյալ հղումով:

 

 

ՊԽԼԻ-ի մասին

 

Պատերազմի և խաղաղության լուսաբանման ինստիտուտը (iwpr.net) շահույթ չհետապնդող միջազգային կազմակերպություն է, որի գլխավոր գրասենյակները գտնվում են Լոնդոնում և Վաշինգտոնում։ ՊԽԼԻ-ն խաղաղություն և ժողովրդավարություն է ստեղծում ազատ և անաչառ լրատվամիջոցների օգնությամբ։ Այն ուժեղացնում է տեղական լրատվամիջոցները հակամարտությունների և փոփոխությունների առաջնագծում՝ աշխատելով աշխարհի 3 տասնյակ երկրներում և տարածաշրջաններում։ Այն ներառում է անկախ տեղական լրատվամիջոցների ստեղծում, տեղական լրագրողների, խմբագիրների և պրոդյուսերների պատրաստում, մարդու իրավունքների, արդյունավետ կառավարման և հարակից հարցերի վերաբերյալ լայնածավալ խորը հաշվետվությունների աջակցություն, զարգացող երկրներում և միջազգային մակարդակով մասնագիտական հաշվետվությունների տարածում, ինչպես նաև տվյալ տարածաշրջանում մարդու իրավունքների, միջազգային արդարադատության և կանանց կազմակերպությունների հաղորդակցման կարողությունների ամրապնդում:

 

 

BREN-ի մասին

 

Ուժեղացնելով արևելյան հարևանության կայունությունը (BREN) ծրագիրն աջակցվում է UK Integrated Security Fund կողմից և իրականացվում է Պատերազմի և խաղաղության լուսաբանման ինստիտուտի (ՊԽԼԻ) կողմից՝ Կին խաղաղաշինարարների համաշխարհային ցանցի (ԿԽՀՑ) հետ համագործակցությամբ։

 

BREN ծրագիրը նպաստում է քաղաքացիական հասարակության կազմակերպություններին (ՔՀԿ) խաղաղության և անվտանգության ոլորտում տրանսֆորմացիոն փոփոխություններ իրականացնել Հայասատանում, Ադրբեջանում, Վրաստանում և Մոլդովայում՝ կանանց, ինչպես նաև մարգինալացված, խոցելի ու սոցիալապես բացառված խմբերի շրջանում մարդկային անվտանգությունը բարելավելու նպատակով։