Սևան միջազգային երաժշտական փառատոն
Միացեք «Սևան» երաժշտական փառատոնի մեծ ընտանիքին՝ դառնալով ամառային ամենապայծառ ու գունեղ տոնի մի մասնիկը:
«Սևան» երիտասարդական ակումբ» ՀԿ-ն արդեն 5-րդ տարին կազմակերպում է «Սևան» միջազգային երաժշտական փառատոնը, որն այս տարի տեղի կունենա օգոստոսի 3-ին Սևանա լճի ափին և օգոստոսի 4-ին Սևան քաղաքում: Փառատոնի նպատակն է երկու օր շարունակ խոսել երաժշտության լեզվով և շնորհակալություն ասել Սևանին: #ThanksSevan
Ով կարող է դիմել
Փառատոնին կարող են դիմել և երաժշտական խմբեր և անհատ կատարողներ, ովքեր ունեն սեփական երգերից բաղկացած երգացանկ, ովքեր շփվող են, ակտիվ և մեզ հետ կիսում են Սևանա լճին տարվա մեջ մեկ անգամ շնորհակալություն ասելու գաղափարը:
Մասնակիցների ընտրությունը
Մասնակիցները կընտվեն մայիսի 10-ից հունիսի 1 ժամանակահատվածում: Նախապատվությունը կտրվի Rock'n'roll (ոճի լայն իմաստով) և հայկական ֆոլկ երգերի ժամանակակից մշակումներին:
Ինչպես դիմել
Փառատոնի մասնակից դառնալու համար պետք է մինչև մայիսի 5-ը լրացնել մասնակցության հայտը այստեղ՝ https://bit.ly/2TWU7DM
Հարցերի դեպքում մեզ կարող եք գտնել Sevan International Music Festival ֆեյսբուքյան էջի միջոցով, [email protected] էլ. հասցեով կամ պարզապես զանգահարելով +374 98900768, +374 99080651 հեռախոսահամարներով: