Միացեք ԹիչՍըրֆինգ ցանցին

Եթե Դուք հանդիսանում եք որևէ ուսումնական հաստատության կամ ոչ շահութաբեր կազմակերպության անդամ և կցանկանայիք հյուրընկալել ազդեցիկ կամավոր խոսնակների ամբողջ աշխարհից, ապա ԹիչՍըրֆինգը Ձեզ համար է:

TeachSurfing.org-ը անվճար, միջազգային հարթակ է, որը միավորում է մարդկանց, ովքեր նախընտրում են իրենց ճանապարհորդության որոշակի ժամանակը տրամադրել սեփական  գիտելիքներով կիսվելուն՝ դպրոցների, համալսարանների և ոչ շահութաբեր կազմակերպությունների շահառուների հետ՝ իրենց բնակության կամ ճանապարհորդության համար ընտրված երկրում:

Մեզ արդեն միացել են 1000 թիչսըրֆերներ և 105 կազմակերպություններ՝ 95 երկրներից: Միացե՛ք ԹիչՍըրֆինգի հեղափոխությանը՝ ստեղծելով անվճար, համաշխարհային հարթակ՝ գիտելիքների և մշակութային փոխանակության համար: www.teachsurfing.org

ԹիչՍըրֆինգ ալիքը Հայաստանում արդեն սկսվել է:

Այս տարի Հայաստանը միանում է ԹիչՍըրֆինգի համաշխարհային շարժմանը, և հայկական դպրոցներն ու այլ կրթօջախները կունենան հնարավորություն հյուրընկալելու թիչսըրֆերներ ամբողջ աշխարհից: Մեր օնլայն հարթակում արդեն իսկ գրանցվել են 17 հայկական կազմակերպություններ և դպրոցներ: Դուք էլ գրանցեք Ձեր դպրոցը, համալսարանը կամ հասարակական կազմակերպությունը և ձեռք բերեք հնարավորություն գրավելու հմուտ մասնագետների հետաքրքրությունը աշխարհի տարբեր երկրներից: Իմացե՛ք ավելին այցելելով ՝ armenia.teachsurfing.org:

Ծանոթացե՛ք թիչսըրֆերների հաջողակ պատմություններին:

Ընթերցե՛ք Հենինգի պատմությունը այն մասին, թե ինչպես գերմանացի ճանապարհորդների մի խումբ այցելեց հայկական գյուղական մի դպրոց  և անցակցրեց սպորտային խաղեր և թիմային աշխատանքին նվիրված վարժություններ:

Ինչպե՞ս դառնալ ԹիչՍըրֆինգի հյուրընկալող:

• Միացե՛ք մեզ www.teachsurfing.org կայքում:

• Ավելացրե՛ք Ձեր կազմակերպությունը և թվարկե՛ք ուսուցման Ձեր կարիքները:

• Գտե՛ք և կապվե՛ք Ձեր շրջան այլցելող թիչսըրֆերների հետ:

• Կիսվե՛ք Ձեր պատմությամբ՝ ստանալով մրցանակ շահելու հնարավորություն: