Մարզային ՔՀԿ-ների ապատեղեկատվության դեմ պայքարի և փաստերի ստուգման կարողությունների զարգացման եռօրյա դասընթաց

 

«Մարզային ՔՀԿ-ներն ընդդեմ ապատեղկատվության» ծրագրի շրջանակներում, որն իրականացվում է Հայաստանում Լիտվայի Հանրապետության դեսպանատան և Լիտվական զարգացման համագործակցության աջակցությամբ, Հանրային լրագրության ակումբը հայտարարում է ՔՀԿ-ների կարողությունների զարգացման եռօրյա դասընթացի հայտադիմումների ընդունելություն։

 

Այս նախագիծը կխթանի ապատեղեկատվության դեմ պայքարի ուղղությամբ վերապատրաստված ՔՀԿ-ների ցանցի ստեղծմանը, որի շրջանակներում հնարավոր է հետագա համագործակցության ընդլայնում։

 

Ո՞վքեր կարող են մասնակցել այս դասընթացին․

 

• Դասընթացին կարող են մասնակցել ՀՀ մարզերում գրանցված և գործունեություն իրականացնող հասարակական կազմակերպությունների, հիմնադրամների և շահույթ չհետապնդող/ոչ կառավարական այլ կազմակերպությունների ներկայացուցիչները։

 

• ՔՀԿ հաղորդակցության, հանրային կապերի և ծրագրային կառավարմամբ զբաղվող մասնագետները։

 

• Անհատները, կամավորները և կազմակերպություններում ոչ ինստիտուցիոնալ ներգրավվածություն ունեցող ներկայացուցիչները (կարճաժամկետ) չեն կարող մասնակցել այս դասընթացին։

​

 

Ինչպե՞ս մասնակցել դասընթացին․

 

 

Կարողությունների զարգացման դասընթացին մասնակցելու համար հարկավոր է՝

 

• Լրացնել առցանց ձևաթուղթը,

​

• [email protected] էլեկտրոնային փոստի հասցեին ուղարկել դիմորդի ինքնակենսագրականը։

 

Նամակի թեմա դաշտում պարտադիր է նշելը՝ «Մարզային ՔՀԿ-ներն ընդդեմ ապատեղեկատվության – կազմակերպության անվանումը»։

 

Որո՞նք են ընտրության չափորոշիչները․

 

 

Դասընթացի համար ստացված հայտերը դիտարկվելու են անկախ հանձնաժողովի կողմից հետևյալ չոփորոշիչներին համապատասխան՝

 

• Հաղորդակցության հարթակների առկայությունը և բազմազանությունը։

 

• Հաղորդակցության ռազմավարության առկայությունը և հաղորդակցման ռազմավարությունը զարգացնելու նպատակները։

 

• Կազմակերպության համար ապատեղեկատվության և կեղծ լուրերի դեմ պայքարի ու փաստերի ստուգման համատեքստում կարողությունները զարգացնելու անհրաժեշտությունն ու կարևորությունը։

 

• Կազմակերպության կողմից իրականացված/իրականացվող և/կամ իրականացվելիք նախագծերը/պորտֆոլիոն։

 

• Դիմորդ կազմակերպության շարժառիթը։

 

• Դիմորդի համապատասխան աշխատանքային փորձը։

 

 

Դասընթացի հայտարարության ժամկետները․

 

• Դասընթացին դիմելու վերջնաժամկետը՝ 2021թ․ օգոստոսի 6։

 

• Դասընթացի դիմորդների դիտարկման վերջնաժամկետը՝ 2021թ․ օգոստոսի 15։

 

• Դիմորդներին արդյունքների ծանուցման վերջնաժամկետը՝ 2021թ․ օգոստոսի 20։

 

• Դասընթացի անցկացման ժամկետները՝ 2021թ․ սեպտեմբերի երկրորդ կես (երեք օր, որոնք կներառեն նաև շաբաթ և կիրակի օրերը)։

 

ՀԼԱ-ն ապահովում է ընտրված դիմորդների ճանապարհածախսի, կեցության, սննդի բոլոր ծախսերը։

 

Թերի լրացված հայտը և/կամ ոչ ամբողջական ներկայացված փաստաթղթերի դեպքում, դիմորդի հայտը չի դիտարկվելու։

 

 

Հարցերի համար կարող եք գրել նամակ ՀԼԱ հաղորդակցության մասնագետ Ալեքսանդր Մարտիրոսյանին՝ [email protected] էլ․ փոստի միջոցով։

 

Ծրագրի վերաբերյալ մանրամասներին կարող եք ծանոթանալ՝ անցնելով ՀԼԱ կայք։

 

Հանրային լրագրության ակումբը (ՀԼԱ/PJC) երկար տարիներ աշխատում է ապատեղեկատվության դեմ պայքարի գործընթացում և իրականացրել է տեղական ու միջազգային բազմաթիվ նախագծեր՝ հասարակության (երիտասարդներ, մեծահասակներ, նախակրթական հաստատություններ և այլն) շրջանում մեդիագրագիտության, քննադատական մտածողության և փաստերի ստուգման ու տեղեկությունների ճշգրտման ուղղությամբ կարողությունների զարգացման համար։

 

Մեր օրերում ապատեղեկատվության նույնականացումը գնալով բարդանում է, ի հայտ են գալիս նոր հարթակներ, ստեղծվում են նոր գործիքներ, տեխնոլոգիաներն աճում են օրեցօր, որոնք որքանով խթանում են տեղեկատվության շրջանառմանը, նույն չափով նաև պարարտ հող են ստեղծում մանիպուլյացիաների, կեղծ լուրերի և ապատեղեկատվության տարածման համար։

Հասարակության տարբեր խմբերի մոտ կեղծ լուրերի նույնականացումը բարդ գործընթաց է, որին մշտապես աջակցում է ՀԼԱ-ն։ Այս անգամ ՀԼԱ-ն կազմակերպում է կարողությունների զարգացման եռօրյա դասընթաց մարզային ՔՀԿ-ների ներկայացուցիչների համար։

*  Այս միջոցառումն իրականացվում է Հանրային լրագրության ակումբի կողմից, Հայաստանում Լիտվայի Հանրապետության դեսպանատան և Լիտվական զարգացման համագործակցության աջակցությամբ։