Մրցույթ Վայքի ինֆոտան ծրագրի համակարգողի թափուր աշխատատեղի համար

Աղբյուր՝ web.facebook.com

Աշխատանքի սկիզբը` Օգոստոսի 1, 2017

Ամփոփ նկարագիր

ԱՇԽԱՏԱՆՔ ԵՎ ՀԱՅՐԵՆԻՔ տարածքային զարգացման հասարակական կազմակերպությունը հայտարարում է մրցույթ՝ Վայքի Ինֆոտուն ծրագրի համակարգողի հաստիքի համար: Ծրագրի նպատակն է նպաստել ՀՀ-ում տեղի ունեցող բարեփոխումների գործընթացի մասին տեղեկատվության և հանրային մասնակցության բարձրացմանը Վայոց ձորի մարզում։

Հիմնական պարտականությունները

1. Պլանավորել և պատշաճ կերպով իրականացնել ծրագրային բոլոր գործողությունները

2. Հետևողանություն դրսևորել գործողությունների ժամանակին իրականացմանը և խոչընդոտների մասին ժամանակին տեղեկացմանը կազմակերպության ղեկավարին

3. Պատրաստել և ժամանակին ներկայացնել ընթացիկ և ավարտական հաշվետվությունները

4. Կազմակերպել Մեդիա ոլորտին վերաբերող դասընթացներ

5. Կազմակերպել Վավերագրական տեսաֆիլմերի դիտում-քննարկումներ

6. Պատրաստել նյութեր Վայքում և Վայոց ձորի մարզում առկա տարբեր ոլորտի հիմնախնդիրների վերաբերյալ

7. Կազմակերպել հանրային միջոցառումներ, ֆոտոմրցույթներ, ֆլեշ-մոբբեր, ակցիաներ

8. Առցանց և ավանդական միջոցներով հնարավորինս լայն լուսաբանել Վայքի Ինֆոտան և Աշխատանք և հայրենիք ՀԿ գործունեությունը

9. Վարել Վայքի Ինֆոտան ֆեյսբուքյան էջը

Ընդհանուր պարտականություններ

1. Ըստ անհրաժեշտության և պահանջի՝ Աշխատանք և հայրենիք ՀԿ-ում ստանձնել այլ պարտականություններ

2. Մասնակցել ՀԿ կազմակերպական զարգացմանն ուղղված բոլոր գործընթացներին

3. Առաջկցել ՀԿ աշխատակիցներին տարբեր ծրագրային գործողությունների իրականացման ընթացքում

4. Անհրաժեշտության դեպքում թարգմանել ՀԿ գործունեությանն առնչվող փաստաթղթեր

Մասնագիտական և աշխատանքային պահանջներ

• Բարձրագույն կրթություն /ցանկալի է լրագրության և հարակից ոլորտներում/

• Քաղ. Լրագրության նյութեր պատրաստելու կարողություն և պատրաստակամություն

• Սոցիալական մեդիան արդյունավետ օգտագործելու հմտություններ

• Հաղորդակցվելու գերազանց հմտություններ, բանավոր և գրավոր հայերենի գերազանց իմացություն

• Անգլերեն լեզվի իմացությունը կդիտվի որպես առավելություն

• Թիմային աշխատանքի ունակություն, ինքնուրույն և արդյունավետ աշխատելու կարողություն

• Ժամկետների մեջ աշխատելու ունակություն

• Լրատվամիջոցների հետ աշխատելու փորձառություն

Դիմելու կարգը

Հայտերը՝ ինքնակենսագրությունը եւ հետաքրքրվածության նամակը, ուղարկել [email protected] էլ.հասցեին` թեմա դաշտում նշելով “Վայք Ինֆոտուն ծրագրի համակարգող”։ Հայտերը ներկայացնելու վերջնաժամկետն է 2017 թվականի հուլիսի 28-ը:

Վայքի Ինֆոտուն ծրագիրը իրականացվում է «Հանրային մասնակցություն տեղական ինքնակառավարմանը՝ ՀաՄաՏեղ» ծրագրի շրջանակներում: