«Web ԾԻՐԱՆ» ԿԻՆՈՓԱՌԱՏՈՆԻ ՖԻԼՄԵՐԻ ԸՆԴՈՒՆՈՒՄԸ ՇԱՐՈՒՆԱԿՎՈՒՄ Է:
ՄՆԱՑ 3 ՕՐ ԵՎ...400.000 ԴՐԱՄ
Հունվարի 25-ին կավարտվի «Web Ծիրան» համահայկական առցանց հինգերորդ հոբելյանական կինոփառատոնի ֆիլմերի ընդունումը:
ֆիլմերը կցուցադրվեն բացառապես webtv.am մշակութային ինտերնետ հեռուստատեսությամբ՝ 2016 թվականի փետրվարի 1-29-ը:
Գլխավոր մրցանակակիրը կպարգևատրվի 400.000 ՀՀ դրամով և հատուկ դիպլոմով:
Մյուս հաղթողները կպարգևատրվեն խրախուսական մրցանակով՝հատուկ դիպլոմով:
Ինչպես գլխավոր, այնպես էլ մյուս մրցանակակիրները կստանան նաև պրոֆեսիոնալ նկարահանող տեխնիկայից 10 օր անվճար օգտվելու հնարավորություն:
Արդյունքները կհրապարակվեն 2016 թ. մարտի առաջին տասնօրյակում՝ հատուկ մրցանակաբաշխության ժամանակ:
«Web Ծիրան» համահայկական 5-րդ կինոփառատոնին կարող են ներկայացվել մինչև 30 րոպե տևողությամբ ֆիլմեր` առանց ժանրային սահմանափակումների` խաղարկային, վավերագրական, անիմացիոն, էքսպերիմենտալ և այլն:
Փառատոնը խրախուսում է նաև տեխնոլոգիական նոր միջոցներով՝ բջջային հեռախոսներով, պլանշետներով, սմարտֆոններով նկարահանած կարճ ֆիլմերը:
Ֆիմերը «Web Ծիրան» համահայկական 5-րդ կինոփառատոնում ընդգրկելու համար, մինչև հունվարի 25-ը դրանք պետք է ներկայացնել «Ոսկե ծիրան» միջազգային կինոփառատոնի գրասենյակ՝ DVD կիրչով:
Հեղինակներն իրենց ֆիլմերը կարող են ներկայացնել նաև առցանց` որևէ վիդեոհոստինգային պորտալում տեղադրելով և դրանց հղումները [email protected] էլեկտրոնային հասցեին ուղարկելով:
Լրացուցիչ մանրամասների համար զանգահարել.
«Ոսկե ծիրան» միջազգային կինոփառատոնի գրասենյակ + (374 10) 52 10 42, 055216092 կամ webtv.am հեռուստաընկերություն՝+ (37491) 27 07 76
Փառատոնն անցկացնում են «Ոսկե ծիրան» Երևանի միջազգային կինոփառատոնը և webtv.am մշակութային ինտերնետ-հեռուստատեսությունը՝ ՎիվաՍել-ՄՏՍ ընկերության գլխավոր գործընկերությամբ: