«Շողակն» սոցիալ-կրթական և մշակութային հասարակական կազմակերպություն

Կազմակերպությունը գործունեությունը ծավալում է իր առջև դրված նպատակներն իրագործելու համար: Կազմակերպության նպատակներն են՝

1) ազատ շուկայական հարաբերությունների անցման փուլում նպաստել մասնագիտական կողմնորոշման համակարգի ձևավորմանը, ներդրմանը և զարգացմանը՝ աշխատաշուկայում պահանջարկի և առաջարկի համապատասխանության հաշվառումով.

2) նպաստել Հայաստանի Հանրապետությունում և մասնավորապես Գյումրի քաղաքում արհեստների և արվեստների պահպանմանը, վերականգնմանը, զարգացմանը և տարածմանը՝ տարածաշրջանում կայուն զարգացման և մշակութային ժառանգության ապահովման նպատակով.

3) նպաստել Հայաստանի Հանրապետության և մասնավորապես գործազրկության բարձր իրական մակարդակ ունեցող Գյումրի քաղաքի և նրա շրջակա բնակավայրերի բնակչության բարեկեցության բարձրացմանը և աշխատանքային զբաղվածության բարելավմանը.

4) նպաստել աշխատաշուկայի և կրթական համակարգի, մասնավորապես նախնական և միջին մասնագիտական հաստատությունների փոխադարձ կապի արդյունավետ իրականացմանը.

5) աջակցել տարածաշրջանում երիտասարդների ոչ ֆորմալ կրթության, զբաղվածության և ժամանցի կազմակերպման հնարավորությունների ընդլայնմանը.

6) նպաստել տարածաշրջանում երիտասարդության, էկոլոգիական, բարոյական, աշխատանքային և մտավոր դաստիարակությանը.

7) Գյումրու տարածաշրջանն իր մշակութային ժառանգությամբ դարձնել հրապուրիչ ուղղություն էթնոզբոսաշրջության համար.