Հետևելով Եվրոպայի խորհրդի «Մշակութային ժառանգության նշանակությու­նը հասարակության համար» շրջանակային կոնվենցիայով ամրագրված օրակար­գին՝ Եվրոպական Միության խորհրդի վերջերս կայացրած եզրակացությունները կրկնում են այն տեսակետը, որ մշակութային ժառանգությունը «ռեսուրս է կայուն զարգացող Եվրոպայի համար»։ Եվրահանձնաժողովը նաև ընդգծել է, որ մշակու­թային ժառանգության ներդրումը տնտեսական աճի և սոցիալական համախմբ­վածության ապահովման գործում թերագնահատված է՝ չնայած աճող գիտական ապացույցներին, և կոչ է արել Եվրոպայի համար կիրառել մշակութային ժառանգու­թյան նկատմամբ ինտեգրված մոտեցում։

Եվրոպական առանցքային զեկույցների և փաստաթղթերի լույսի ներքո սույն զե­կույցի Մաս 1­ը ներկայացնում է Եվրոպական Միությունում և Եվրոպայի խորհրդում մշակութային ժառանգության ոլորտի զարգացման հիմնական միտումների և զար­գացումների համառոտ նկարագիրը։ Այն ընդգծում է տնտեսական և սոցիալական ներուժի վրա նոր շեշտադրումը՝ նաև ապացուցահեն քաղաքականության միջոցով։
Ներկայացվում են կառավարման նոր մոդելները, հմտությունների զարգացումը, նո­րարարական ապրանքները, ծառայությունները և նոր տեխնոլոգիաները։

Մաս 2-­ում Հայաստանում մշակութային ժառանգության ոլորտում հիմնական շա­հագրգիռ կողմերից տվյալների հավաքագրումից և քննարկումներից հետո Հայաս­տանի մշակութային ժառանգության ոլորտի վերլուծություն է ներկայացվում։ Այս­տեղ ամփոփված է ՀՀ մշակույթի նախարարության պատասխանը մի շարք հարցե­րի և հարցադրումների՝ կապված մշակութային ժառանգության ոլորտում ներկայիս իրավիճակի հետ։ Որոշարկվում են մի շարք էական հարցեր, այդ թվում՝ նաև այլ շահագրգիռ կողմերի դիտարկումների ներառմամբ, որոնք մատնացույց են անում զարգացման և համապատասխան հասցեական գործողությունների համար պատ­շաճ ոլորտներն ու ուղղությունները։

Մաս 2­ում բարձրացված հարցերի հիման վրա Մաս 3­ը ներկայացնում է մի շարք առաջարկներ և բացատրում է դրանք այլ երկրներում գոյություն ունեցող պատշաճ աշխատակարգերի համատեքստում: