Call for Experts by Eurasia Partnership Foundation - Armenia (in Armenian)

Եվրասիա համագործակցություն հիմնադրամը (ԵՀՀ) ՄԱԿ-ի Մարդու իրավունքների բարձրագույն հանձնակատարի գրասենյակի (OHCHR) աջակցությամբ իրականացնում է «Հայաստանի կողմից ՄԱԿ-ի Եզրափակիչ դիտարկումների իրականացման վերլուծություն և իրազեկվածության բարձրացում» նախագիծը։ Նախագծի նպատակն է խթանել ՄԱԿ-ի մարդու իրավունքների պաշտպանության մեխանիզմների շրջանակներում  Հայաստանի ստանձնած պարտավորությունների կատարումը և բարելավել պետության քաղաքականության համապատասխանությունը մարդու իրավունքների միջազգային փաստաթղթերին։

 

Եզրափակիչ դիտարկումները (Concluding Observations) վերաբերում են կոնկրետ Դաշնագրերին միանալու արդյունքում պետության ստանձնած պարտավորությունների կատարմանը՝ ինչպես ձեռքբերում­ներին, այնպես էլ թերացում­ներին։ Նախագծի շրջանակներում նախատեսվում է ՄԱԿ-ի պայմանագրային մարմինների` Հայաստանին ուղղված Եզրափակիչ դիտարկում­ների կատարման գործընթացի խորքային վերլուծություն։

 

Այս աշխատանքը կատարելու նպատակով ԵՀՀ-ն փնտրում է փորձագետներ, որոնք կհետազոտեն և համապարփակ զեկույցներ կպատրաստեն ՄԱԿ-ի պայմանագրային մարմինների` Հայաստանին ուղղված Եզրափակիչ դիտարկում­ների ՀՀ կառավարության կողմից կատարման ընթացքի վերաբերյալ։

 

 

Աշխատանքի շրջանակը․

 

Ընտրված փորձագետները պիտի ուսումնասիրեն. 

 

• Կանանց նկատմամբ խտրականության բոլոր ձևերի վերացման կոմիտեի 1997, 2002, 2009 և 2016 թթ․ Հայաստանին ուղղված Եզրափակիչ դիտարկում­ները,

 

• Տնտեսական, սոցիալական և մշակութային իրավունքների կոմիտեի 1999 և 2014 թթ․ Հայաստանին ուղղված Եզրափակիչ դիտարկում­ները,

 

• Երեխայի իրավունքների հարցերով կոմիտեի 2000, 2004, 2013 թթ․Հայաստանին ուղղված Եզրափակիչ դիտարկում­ները։

 

Ինչպես նաև.

 

• Դիտարկեն Հայաստանի կառավարության կողմից ներկայացված պարբերական հաշվետվությունները նշված կոմիտեներին,

 

• Մեթոդաբանական մոտեցում կիրառելով, գնահատեն Եզրափակիչ դիտարկումներում նշված առաջարկությունների  կատարումը ՀՀ-ի կողմից,

 

• Վերհանեն հրամայականների կատարման կամ անտեսման օրինաչափությունները, ոլորտային առաջնայնությունները և այլ կարևոր հանգամանքներ։

 

Հետազոտության արդյունքում պիտի մշակվի 3 վերլուծական զեկույց վերոհիշյալ կոմիտեների՝ Հայաստանին վերաբերող Եզրափակիչ դիտարկումների իրականացման վերաբերյալ։ Որպես արդյունք ԵՀՀ-ն երկխոսություն կկազմակերպի ՀՀ կառավարության և այլ շահագրգիռ կողմերի հետ՝ փորձելով բարձրաձայնել վերհանված խնդիրները, ինչպես նաև նպաստել հետազոտությունից բխող առաջարկությունների իրականացմանը։

 

 

Պահանջվող որակավորումները.

 

• իրավագիտության, մարդու իրավունքների կամ հարակից ոլորտներում կրթություն,

 

• ՄԱԿ-ի մարդու իրավունքների մեխանիզմների և վերջիններիս աշխատանքներում քաղաքացիական հասարակության ընդգրկման հնարավորությունների գերազանց իմացություն.

 

• հետազոտության/մոնիթորինգի մեթոդաբանության, գործիքների մշակման փորձառություն,

 

• վերլուծական աշխատանքներ կատարելու գերազանց հմտություններ,

 

• hայերենի և անգլերենի գերազանց իմացություն:

 

 

Դիմելու կարգը.

 

Հետաքրքրված անձանց խնդրում ենք իրենց ինքնակենսագրականը (CV) և հետաքրքրության նամակը (առավելագույնը 1 էջ), ինչպես նաև  կատարված հետազոտական աշխատանքներից որևէ օրինակ, իսկ հետաքրքրված կազմակերպություններին՝ իրենց գործունեության մասին կարճ տեղեկատվություն և կատարված հետազոտությունների օրինակներ ուղարկել Նիկոլայ Հովհաննիսյանին [email protected] հացեով: 

 

Դիմորդները պիտի նշեն, թե ո՛ր Կոմիտեի Եզրափակիչ դիտարկումների հետազոտական աշխատանքի կատարման համար են դիմում։ Եթե հետաքրքրված անձը դիմում է միաժամանակ երկու կամ բոլոր երեք հետազոտական աշխատանքները կատարելու համար՝ դա ևս հստակորեն պիտի նշվի նամակում։ Նամակում պիտի նշվի նաև կատարվող աշխատանքի համար ակնկալվող բյուջեն։

 

Նամակի թեմայի տողում անհրաժեշտ է նշել. Եզրափակիչ դիտարկումների վերլուծություն. ձեր անուն, ազգանունը կամ կազմակերպության անվանումը:

 

Խնդրում ենք նկատի ունենալ, որ միայն ընտրված թեկնածուները կհրավիրվեն հարցազրույցի:

 

 

Պայմանագրի տեսակ՝ ծառայությունների մատուցման պայմանագիր  

 

Պահանջվող լեզուներ՝ հայերեն, անգլերեն

 

Հայտարարության տարածման ամսաթիվ՝ 2022 թ.-ի հունվարի 18

 

Դիմումների ընդունման վերջնաժամկետ՝ 2022 թ.-ի փետրվարի 14

 

Հայտատուների հետ հետադարձ կապը և ընտրությունը՝ մինչ 2022թ․ փետրվարի 21 Ծառայության մատուցման սկիզբ՝ անմիջապես

 

Ծառայության մատուցման տևողությունը՝ 4 ամիս