![ԵՀՀ-ի աշխատանքը սիրիահայ կանանց հետ](https://hkdepo.am/media/cache/news1/i/news/epf-s-work-with-syrian-armenian-women_Aleppo training.jpg)
ԵՀՀ-ի աշխատանքը սիրիահայ կանանց հետ
Աղբյուրը՝ այստեղ
Ի՞նչ է քաղաքացիական հասարակությունը, ինչպե՞ս է այն դրսևորվում Հայաստանում, ի՞նչն է խթանում քաղաքացիական ակտիվության բարձրացմանը և ինչպե՞ս կարող են Հայաստանում ապաստանած սիրիահայ կանայք առկա խնդիրներին տալ առարկայական լուծումներ։ Հարցեր, որոնք բարձրացվեցին հոկտեմբերի 3-ին «ՀԱԼԵՊ» ՀԿ-ում մեկնարկած «Տեղահանված կանայք որպես փոփոխություն նախաձեռնողներ» ծրագրի շրջանակում, և գտան լուծումներ ի շնորհիվ Եվրասիա Համագործակցություն հիմնադրամի (Eurasia Partnership Foundation-Armenia) ծրագրի տնօրեն Գայանե Մկրտչյանի և ծրագրի ղեկավար Վարուժան Ավանեսյանի։
«ՀԱԼԵՊ» ՀԿ-ն իրականացնում է «Տեղահանված կանայք որպես փոփոխություն նախաձեռնողներ» ծրագիրը ՀՀ-ում ԱՄՆ դեսպանատան ֆինանսական աջակցությամբ:
Նորովի բացահայտելով պատերազմի, հալածանքների և բռնությունների հետևանքով Հայաստանում հաստատված սիրիահայ կանանց ներուժը, զինելով նրանց համապատասխան գիտելիքներով և հմտություններով, մասնակից դարձնելով հասարակական գործունեությանը և տրամադրելով քոչինգ/ուղղորդում հայտնի հասարակական գործիչների կողմից՝ կանանց հզորացման ծրագրի նպատակն է խթանել սիրիահայ կանանց ակտիվ մասնակցությունը հայաստանյան քաղաքացիական կյանքում: