«Երևանի պետական համալսարան» հիմնադրամը հայտարարում է մրցութային ընտրություն՝ ԵՊՀ զարգացման և նորարարությունների գծով պրոռեկտորի գործավարի թափուր պաշտոնի համալրման համար:

 

 

Աշխատանքի վայրը՝ «Երևանի պետական համալսարան» հիմնադրամ

Պաշտոնը՝ Զարգացման և նորարարությունների գծով  պրոռեկտորի գործավար

Աշխատաժամանակի տևողությունը, պաշտոնային դրույքաչափը՝ Շաբաթական 36 ժամ, լրիվ դրույք

 

 

Աշխատանքի տևողությունը

 

• փաստաթղթաշրջանառության ժամանակին և պատշաճ կերպով կազմակերպում. անհրաժեշտ փաստաթղթերի կազմում և ուղարկում, ընդունում, պահպանում ինչպես էլեկտրոնային, այնպես էլ թղթային եղանակներով, ստորագրման փաստաթղթերի պատրաստում,

 

• հանդիպումների կազմակերպում,

 

• անմիջական ղեկավարի աշխատանքի համար անհրաժեշտ նյութերի պատրաստում,

 

• անմիջական ղեկավարի կողմից տրվող հանձնարարականների (պաշտոնից բխող և այլ) իրականացում,

 

• ՀՀ օրենսդրությամբ, ԵՊՀ կանոնադրությամբ, իրավական այլ ակտերով և պաշտոնի անձնագրով նախատեսված պարտականությունների կատարում:

 

 

Պաշտոնի հավակնորդին ներկայացվող նվազագույն պահանջներ 

 

• բարձրագույն կրթություն (առնվազն մագիստրոսի կամ դիպլոմավորված մասնագետի կրթական աստիճան),

 

• առնվազն 3 տարվա աշխատանքային փորձառություն,

 

• տրամաբանելու, տարբեր իրավիճակներում կողմնորոշվելու ունակություն,

 

• հայերենի գերազանց իմացություն, անգլերեն և ռուսերեն լեզուների իմացություն,

 

• համակարգչով և ժամանակակից տեխնիկական այլ միջոցներով աշխատելու ունակություն,

 

• անհրաժեշտ (պարտադիր) կազմակերպչական հմտությունների տիրապետում:

 

 

Ներկայացված պահանջներին համապատասխանող թեկնածուները կարող են ուղարկել իրենց ինքնակենսագրականները (CV) [email protected] հասցեով՝ վերնագիր (subject) տողում պարտադիր նշելով հաստիքի անվանումը`  «պրոռեկտորի օգնական»:

 

 

Հարցազրույցի կհրավիրվեն նախնական ընտրությունն անցած դիմորդները։

 

 

ԴԻՄՈՒՄՆԵՐԻ ԸՆԴՈՒՆՄԱՆ ՎԵՐՋՆԱԺԱՄԿԵՏ՝ 6 հունիսի 2022 թ.

 

Երևանի պետական համալսարանի գործունեությանը և ներքին իրավական ակտերին կարող եք ծանոթանալ հետևյալ հղումներով՝ www.ysu.am, documentation.ysu.am: