Դասընթացի մասնակցության հրավեր ԹԻՀԿ-ի կողմից․ հանրակրթության հաշվետվողականության բարելավման թեմայով

Թրանսփարենսի Ինթերնեշնլ հակակոռուպցիոն կենտրոն ՀԿ-ն կազմակերպում է դասընթաց Հանրակրթության հաշվետվողականության բարելավման թեմայով՝ ներկայացնելու և քննարկելու հանրակրթության (և մասնավորապես դպրոցների) ոլորտում հանրային քաղաքականության միտումները, ընթացակարգերը, դպրոցների կառավարման և ֆինանսավորման մեխանիզմները, մասնակցային և քաղաքացիական վերահսկման մեխանիզմները և գործիքակազմը։

 

Դասընթացը բաղկացած է երկու մասից, յուրաքանչյուր մասը 3 օր տևողությամբ։ 1-ին փուլը տեղի կունենա հոկտեմբերի 22-ից 24-ը, Երևանին մոտ մարզերից մեկում, իսկ 2-րդ փուլը՝ նոյեմբերին։

 

Դասընթացին կարող են մասնակցել`

 

-  կրթության ոլորտով զվաղվող քաղաքացիական հասարակության կազմակերպությունների ներկայացուցիչներ (ՔՀԿ),

-  քաղաքացիական նախաձեռնությունների և երիտասարդական ակտիվ խմբեր,

-  ԶԼՄ ներկայացուցիչներ,

-  դպրոցների կառավարման խորհրդի անդամներ

 

Խրախուսվում է ազգային փոքրամասնությունների, մարզերում գործող ՔՀԿ-ների և հաշմանդամություն ունեցող անձանց մասնակցությունը։

 

Դասընթացը կվարեն Հայաստանում հանրակրթության ոլորտի հանրային վերահսկողությամբ զբաղվող փորձագետները:

Դասընթացին մասնակցելու համար խնդրում ենք գրանցվել այստեղ մինչև հոկտեմբերի 15-ը ներառյալ

Մասնակիցների տեղափոխման և գիշերակացի ծախսերը կփոխհատուցվեն։

 

 

Միջոցառումը կազմակերպվում է Եվրոպական միության ֆինանսական աջակցությամբ `«Քաղաքացիական հասարակության շրջանում հանրային հաշվետվողականության ապահովման մեխանիզմների ամրապնման (SANCUS)» ծրագրի շրջանակներում: