Թափուր պաշտոնի հայտարարություն Հասարակայնության հետ կապերի մասնագետ Հայաստան համահայկական հիմնադրամում

Աղբյուրը՝ www.facebook.com

 

 

 

Հասարակայնության հետ կապերի մասնագետ / Մամուլի խոսնակ

Հրավիրող կազմակերպություն․ «Հայաստան» համահայկական հիմնադրամ

Պաշտոնի անվանում․ Հասարակայնության հետ կապերի մասնագետ / Մամուլի խոսնակ

Պայմանագիր․ Աշխատանքային/ամբողջ դրույք

Աշխատանքի վայր․ Երևան, ըստ անհրաժեշտության այցելում է ծրագրերի իրականացման վայրեր

Ենթակա է․ Ծրագրերի և արտաքին կապերի դեպարտամենտի ղեկավարին

 

Աշխատանքի նկարագրություն․

 

Աշխատելով Ծրագրերի և արտաքին կապերի ղեկավարի հսկողության ներքո՝ Հասարակայնության հետ կապերի մասնագետ/Մամուլի խոսնակը պետք է մշակի, պատրաստի և տարածի նորությունները և այլ հրապարակային նյութերը տեղական, տարածաշրջանային և ազգային լրատվամիջոցների շրջանակներում:

 

Պարտականություններ․

 

• Կազմել մամլո հաղորդագրություններ և պատրաստել տեղեկատվություն լրատվամիջոցների համար

• Արձագանքել զանգվածային լրատվամիջոցների հարցումներին

• Պահպանել կազմակերպության կորպորատիվ պատկերը և ինքնությունը

• Մշակել ելույթների և հարցազրույցների տեքստեր

• Հանդես գալ որպես կազմակերպության հանրային կապերի դեսպան և որպես մամլո խոսնակ կարևոր միջոցառումներին

• Մշակել ներքին և արտաքին հաղորդակցման փաթեթներ

• Համագործակցել ծրագրերի ղեկավարի հետ ԶԼՄ-ներին մատուցվող տեքստերի բովանդակության մասով

• Աշխատանքային անհրաժեշտությունից բխող այլ պարտականություններ։

Անհրաժեշտ որակավորում և հմտություններ․

 

·         Բարձրագույն կրթություն, նախընտրելի է լրագրության, հաղորդակցության, հանրային կապերի կամ այլ հարակից ոլորտում

·         Երեք տարուց ավել աշխատանքային փորձ մեդիա և/կամ հանրային կապերի ոլորտում

·         Վերլուծելու, հաղորդակցման, խնդիրների լուծման, թիմային աշխատանքի և ղեկավարման գերազանց հմտություններ,

·         Մամուլի խոսնակի փորձ; ճգնաժամային կառավարման փորձ

·         Գրավոր և բանավոր հաղորդակցման և ներկայացման/մեդիա դասընթացների անցկացման հմտություններ

·         Լրատվամիջոցների հետ կապեր

·         Անգլերենի և հայերենի գրավոր և բանավոր փայլուն տիրապետում

·         Սեղմ ժամկետներում բազմաթիվ ծրագրերի ղեկավարման փորձ և ճկունություն

·         Համակարգչային գիտելիքներ՝ MS Word, Excel և այլ տվյալների բազայի ծրագրեր

 

Դիմելու ընթացակարգը․ Եթե համապատասխանում եք վերոնշյալ պահանջներին և վստահ եք, որ Ձեր գիտելիքներն ու փորձառությունը համապատասխանում են նշված պաշտոնին, խնդրում ենք ուղարկել Ձեր մանրամասն ինքնակենսագրությունը /CV/ և Ձեր փորձի վերաբերյալ համառոտ նկարագիրը՝ հայերեն կամ անգլերեն լեզուներով, «Հայաստան» համահայկական հիմնադրամ՝ [email protected] էլեկտրոնային հասցեին։ Էլեկտրոնային նամակի վերնագրում խնդրում ենք նշել “Public Relations Specialist/Spokesperson– անուն ու ազգանուն”.

Դիմումների վերջնաժամկետ․ 2019թ․ մայիսի 28

Հայաստան հիմնադրամի մասին․ Կազմակերպությունը հիմնվել է 1992 թվականին ՀՀ նախագահի հրամանագրով։ Հիմնադրամը եզակի մի կառույց է, որի առաքելությունն է համախմբել Հայաստանում և արտերկրում ապրող բոլոր հայերին և նրանց համատեղ ջանքերն ուղղել հայրենիքի դժվարությունների հաղթահարմանը և Հայաստանի ու Արցախի կայուն զարգացմանը: Հիմնադրամի աշխատանքներն իրականացվում են 19 երկրներում գործող 21 տեղական մարմինների և գործընկեր կազմակերպությունների ակտիվ մասնակցության և աջակցության միջոցով։ Ճանապարհների, դպրոցների, մանկապարտեզների, հիվանդանոցների, ջրագծերի ու գազատարների կառուցմանը զուգահեռ օժանդակություն են ստանում բազմաթիվ սոցիալապես խոցելի խմբեր, այդ թվում` ազատամարտիկների ընտանիքներ, ֆինանսապես անապահով ընտանիքների ուսանողներ: Մշտապես Հիմնադրամի ուշադրության կենտրոնում են արվեստի եւ գիտության հայ գործիչներն ու հատկապես երիտասարդ ստեղծագործողները: Տարվա հիմնական խոշոր ծրագրերին զուգահեռ Հիմնադրամը Հայաստանում և Արցախում իրականացնում է բարերաների կողմից ընտրված նպատակային ծրագրեր, ինչպես նաև նախաձեռնություններ իր հիմնական զարգացման ծրագրերի շրջանակներում։