Վիդեո Մրցույթ՝ «Եվրոպան երիտասարդների համար»
Մրցույթին հետևելու համար կարող եք միանալ ֆեյսբուքյան իվենթին՝ https://web.facebook.com/events/1105657149496726/
Եվրոպայի օրվա կապակցությամբ Հայ Առաջադեմ Երիտասարդություն (ՀԱԵ) ՀԿ-ն առաջարկում է երիտասարդներին պատրաստել կարճ հոլովակ, որը պատմում է, թե ինչ է Եվրոպան հայ երիտասարդների համար։ Մենք փնտրում ենք հետաքրքիր և ստեղծագործ վիդեոներ, որոնցում երիտասարդները մեզ կներկայացնեն կոնկրետ օրինակներ, թե ինչ է Եվրոպան հայ երիտասարդների ընկալմամբ:
Ի՞նչ ասոցիացիաներ եք ունենում, երբ մտածում եք Եվրոպայի մասին: Դուք ձեզ եվրոպացի համարու՞մ եք, և ի՞նչ է դա նշանակում Ձեզ համար: Ինչպե՞ս է զուգադրվում հայ լինելը եվրոպացի լինելու հետ: Ինչպիսի՞ն եք տեսնում Հայաստանի եվրոպական ապագան:
Եղե՛ք ստեղծագործ, համարձակ ու յուրօրինակ։
Մրցույթի ընդհանուր դրույթներ և պայմաններ
Քայլ 1։ Նկարահանե՛ք կարճ հոլովակ Ձեր հեռախոսով, տեսախցիկով կամ այլ սարքի միջոցով:
Քայլ 2։ Վերբեռնե՛ք Ձեր հոլովակը որևէ առցանց վիդեո կայք (օրինակ՝ Youtube, Vimeo և այլն):
Քայլ 3։ Գրե՛ք Ձեր հոլովակի համար համառոտ նկարագիր 100 բառի սահմաններում:
Քայլ 4։ Ուղարկե՛ք Ձեր հոլովակը մրցույթին՝ լրացնելով մեր համառոտ առցանց հայտադիմումը այստեղ՝ https://goo.gl/JizR7m
Մրցանակ
Վիդեո մրցույթի հաղթողը կստանա դեպի Եվրամիության երկրներից մեկը 1 շաբաթ տևողությամբ կրթական անվճար ուղևորության հնարավորություն: Մենք կհոգանք ուղևորության հետ կապված բոլոր ծախսերը՝ ներառյալ ավիատոմս, կացություն հյուրանոցում, սնունդ և էքսկուրսիա: Ավիաուղիների և չվերթի ընտրությունը կմնա ՀԱԵ ՀԿ-ի հայեցողությանը: Չվերթի ուշացման, կամ մասնակցության չեղարկման պարագայում կազմակերպությունը չի իրականացնի գումարի վերադարձ կամ փոխհատուցում: Ուղևորությունը տեղի կունենա սույն թվականի հուլիս-նոյեմբեր ամիսների ընթացքում:
Դուք կարող եք մրցույթին մասնակցել, եթե՝
- Հայաստանի Հանրապետության քաղաքացի եք։
- Մրցույթի անցկացման ընթացքում 16-ից 30 տարեկան եք:
- Երբևէ չեք վարձատրվել Ձեր կողմից պատրաստած հոլովակների համար:
- Չեք աշխատում ֆիլմարտադրության կամ մեդիայի ոլորտում:
Մրցույթի մանրամասներին հայերեն և անգլերեն լեզուներով կարող եք ծանոթանալ կից ֆայլերում։
APY Video Competition Disclaimer and Rules English
APY Video Competition Disclaimer and Rules Armenian