ԿԱՆԱՆՑ ԽՄԲԵՐԻ ԵՎ ԿԱԶՄԱԿԵՐՊՈՒԹՅՈՒՆՆԵՐԻ ՀԱՄԱՐ

Հայաստանում կանանց հիմնադրամը հայտարարում է դրամաշնորհների մրցույթ ուղղված սահմանափակ հնարավորություններ ունեցող խմբերի ակտիվ կանանց ներուժի իրացմանը: Դրամաշնորհի նպատակն է աջակցել սոցիալական փոփոխություների ակտիվ մասնակից կանանց՝ հատկապես ցածր ներկայացվածութ­յուն և հնարավորություններ ունեցող խմբերից և համայնքներից, ինչպիսիք են ԼԲՏ կանայք, հաշմանդամություն ունեցող կանայք, Հայաստանում Եզդի համայնքի կանայք, ՄԻԱՎ/ՁԻԱՀ-ով ապրող կանայք, միայնակ մայրերը, կանանց իրավունքների պաշտպանները և այլոք:

 

Կանայք և նրանք, ովքեր պաշտպանում են կանանց իրավունքները ընդհանուր առմամբ արդեն իսկ ենթարկվում են խտրականության: Այդուհանդերձ հենց մարգինալ և խոցելի խմբերի կանայք են, որ առերեսվում են կրկնակի խտրականության, սոցիալական ճնշումների, իսկ նրանց  ձայները այդպես էլ մնում են անլսելի: Հայաստանում կանանց հիմնադրամը այս ծրագրի միջոցով փորձելու է ստեղծել զարգացման աջակցության համակարգ, ինչպես նաև ընդգրկուն հարթակ՝ տարբեր խմբերի կանանց հնարավորություններ ընձեռելու և իրենց համայնքներում իրենց ձայնը լսելու համար անհրաժեշտ գործիքներ և հմտություններ տրամադրելու  համար:

 

Դրամաշնորհի նպատակն է՝

 

1.    Զարգացնել կանանց կազմակերպությունների և նախաձեռնությունների կարողությունները ըստ իրենց կարիքների:

2.    Բարձրացնել հանրության տեղեկացվածության մակարդակը խոցելի սոցիալական խմբերի պատկանող կանանց և աղջիկների մասին:

3.    Աջակցել հատկապես խոցելի խմբերը ներկայացնող կանանց և աղջիկների կողմից առաջարկվող նախաձեռնություններին:

 

Ֆինանսական աջակցության համար (մինչև 1000 եվրո) դիմելու հնարավորություն ունենալու համար դիմորդները պետք է մասնակցեն Հիմնադրամի կողմից կազմակերպվող եռօրյա դասընթացներին, որոնք կշարունակվեն մինչև 2018 թվ․ դեկտեմբեր ամիսը: Դասընթացների թեմաներն են՝

 

·       Գենդերային մեյնսթրիմինգ և ֆեմինիստական կառավարում

·       Ջատագովության հմտություններ, ռազմավարական պլանավորում և սոցիալական մեդիա

·       Մոնիթորինգի, միջոցների հավաքագրման և դրամաշնորհներ գրելու գործիքներ և հմտություններ:

 

Դասընթացի ավարտին մասնակիցները կունենան.

 

-       Աջակցման և զարգացման

-       Համախոհների հետ շփման և ցանցերի  ձևավորման

-       Դրամաշնորհին դիմելու հնարավորություններ

 

Նշված վերապատրաստումներից զատ դիմրոդները հնարավորություն կունենան մասնակցելու նաև հաղորդակցման, մարքեթինգի և միջոցների հավաքագրման փորձագետների, ինչպես նաև հոգեբանների հետ մեկօրյա հանդիպում-քննարկումներին:

 

Եռօրյա վերապատրաստումների նախնական օրերն են՝

 

1-ին խումբ՝ Հոկտեմբերի 5-6-13

2-րդ խումբ՝ Հոկտեմբերի 19-20-27

 

Վերապատրաստմանը մասնակցելու համար յուրաքանչյուր կազմակերպություն/ խումբ/ նախաձեռնություն կարող է ուղարկել երկու մանակիցների անուններ և կոնտակտային տվյալներ (էլ. հասցե, հեռախոսահամար) [email protected] էլեկտրոնային հասցեին:

 

Գրանցման նամակում խնդրում ենք կոնկրետ նշել, թե որ խմբի դասընթացին եք ցանկանում մասնակցել՝ ըստ դիմորդներին հարմար օրերի: Խնդրում ենք նաև հաշվի առնել, որ գրանցումը առաջին խմբի համար ավարտված լինելու դեպքում մենք կտեղեկացնենք Ձեզ և անպայման կտեղափոխենք Ձեր մասնակցությունը հաջորդ օրերին:

 

Մանրամասների և հարցերի դեպքում կարող եք զանգահարել մեզ 098 244 933 հեռախոսահամարով կամ նամակ գրել [email protected]  էլեկտրոնային հասցեին

 

Դրամաշնորհի հայտարարություն