Ֆրանս-հայկական զարգացման հիմնադրամ

Ֆրանս-հայկական զարգացման հիմնադրամը  գործում է հետևյալ 4 ոլորտներում. միգրացիա, համայնքների զարգացում (նաև քաղաքացիական հասարակության զարգացման միջոցով), երեխաների պաշտպանություն և  հաշմանդամություն ունեցող անձանց շահերի պաշտպանություն:

Կազմակերպության գործունեության հիմնական ոլորտներն են՝ միգրացիա, համայնքների զարգացում, երեխաների պաշտպանություն, համշմանդամություն ունեցող անձանց հիմնահարցեր:

Կազմակերպության շահառուներն են միգրանտներ, հայրենադարձներ, փոքր գյուղական համայնքներ, համայնքային հասարակական  կազմակերպություններ և քաղաքացիական հասարակության միավորումներ, կյանքի դժվարին իրավիճակներում հայտնված և կրթության առանձնահատուկ պայմանների կարիք ունեցող երեխաներ, հաշմանդամություն ունեցող անձինք և նրանց ընտանիքի անդամներ,  հաշմանդամություն ունեցող անձանց և կրթության առանձնահատուկ պայմանների կարիք ունեցող երեխաների հետ աշխատող մասնագետներ:

Կազմակերպության շոշափելի արդյունքներից են՝ 

• Խուլերի կրթության և ուղղորդման կենտրոնի հիմնումը և հայերեն ժեստերի  լեզվի օրենսդրական ճանաչման խթանումը:
• Հայաստան վերադարձած ավելի քան 1500 միգրանտների վերաինտեգրում և աջակցություն 275 փոքր ձեռնարկությունների ստեղծմանը:
• Հոգեկան առողջության խնդիրներ ունեցող երեխաների համար սոցիալական, առողջապահական և  կրթական ծառայությունների բարելավում՝ օրենսդրական առաջարկությունների փաթեթի մշակման և ջատագովության միջոցով: (Նշյալ բոլոր առաջարկներն ընդունվել են ՀՀ կառավարության և Ազգային ժողովի կողմից)

Կազմակերպության տեսլականն է՝ ունենալ հզոր հայրենիք՝ կայացած սոցիալական պետություն: 

Կազմակերպության առաքելությունն է՝ 

• Նպաստել սոցիալական, մշակութային, կրթական և գիտական նախաձեռնությունների իրագործմանը:
• Մշակել, խրախուսել և իրականացնել կայուն զարգացմանն ուղղված ծրագրեր:
• Աջակցել և օժանդակել Հայաստանում սոցիալական զարգացմանը և տնտեսական աճին: