Գյումրու Երիտասարդական նախաձեռնությունների կենտրոն ՀԿ

ԵՆԿ ՀԿ-ի գործունեության հիմնական ոլորտներն են՝

• Երիտասարդական քաղաքականություն՝

• Կարողությունների զարգացում,
• Շահերի պաշտպանություն

• Համայնքային զարգացում՝

• Կամավորություն,
• Երիտասարդական նախաձեռնություններ

• Մրցունակություն աշխատաշուկայում՝

• Երիտասարդների կարողությունների զարգացում,
• Երիտասարդների զբաղվածություն

• Երիտասարդների ձեռներեցություն՝

• Բիզնես կրթություն

• Արվեստ և մշակույթ՝

• Մշակութային իրազեկվածություն,
• Մշակութային արտահայտում

• Մշակութային փոխանակում՝

• Տարածաշրջանային համագործակցություն,
• Միջազգային համագործակցություն

Կազմակերպության շահառուներն են հանդիսանում 14-30 տարեկան երիտասարդներ, ոչ-ֆորմալ երիտասարդական խմբեր և երիտասարդական կազմակերպություններ։

Նպաստել երիտասարդների քաղաքացիական ակտիվության բարձրացմանը` խրախուսելով երիտասարդական նախաձեռնություններն և ակտիվ մասնակցությունը:

Գյումրու «Երիտասարդական նախաձեռնությունների կենտրոն» ՀԿ-ի նախաձեռնությամբ աշխատանքներ են իրականացվել ՀՀ-ում առաջին անգամ երիտասարդական քաղաքականության համայնքային մոդելի կիրառման ուղղությամբ։ Կազմակերպությունը Շիրակի մարզում գործող ամենամեծ ու ամենաակտիվ երիտասարդական կազմակերպությունն է, որն իր գործունեությունն իրականացնում է ինչպես տեղական, այնպես էլ միջազգային երիտասարդական ոլորտում՝ աջակցելով հարյուրավոր երիտասարդների անհատական և աշխատանքային/մասնագիտական կարողությունների շարունակական զարգացմանը՝ ի նպաստ իրենց համայնքների զարգացմանը։

ԵՆԿ ՀԿ-ն տեղական երիտասարդական ոլորտում իր ակտիվ գործունեության շնորհիվ 2014թ-ին ՀՀ Սպորտի և երիտասարդության հարցերի նախարարության և 2015թ-ին Գյումրու քաղաքապետարանի կողմից ճանաչվել է Շիրակի մարզի/Գյումրիի լավագույն երիտասարդական կազմակերպություն։

Կազմակերպությունն ակտիվորեն ներգրավված է նաև համընդհանուր եվրոպական երիտասարդական քաղաքականության մշակման գործընթացում։