Սեպտեմբերի 29-ին հայտնի կդառնան «Թվապատում 2017. պատմություններ փոփոխությունների մասին» լրագրողական մրցույթի հաղթողների անունները:

Ժյուրիի 5 անդամներն ուսումնասիրել ու գնահատել են ներկայացված 135 հայտերը, ապա քննարկման ընթացքում հաղթողների վերաբերյալ վերջնական որոշում կայացրել:

Մրցանակները կհանձնվեն մրցույթի 4 հիմնական անվանակարգերում` «Գործող անձ», «Ռեինֆորմացիա», «Մեդիա 3.0», «Դիտակ»: 

Մրցանակաբաշխության օրն ավանդաբար տեղի է ունենում հանդիպում ժյուրիի անդամների և մասնակիցների միջև, որի ընթացքում քննարկվում են մրցույթի նյութերը: «Թվապատում 2017»-ին հայտ ներկայացրած բոլոր լրագրողներին հրավիրում ենք այս հանդիպմանը, որի ընթացքում կներկայացվեն նաև մրցույթի հինգերորդ՝ «Ես քվեարկում եմ» անվանակարգի մանրամասները:

Հանդիպում ժյուրիի անդամների հետ - սեպտեմբերի 29-ին ժ. 16:00-ին, Մեդիա նախաձեռնությունների կենտրոնում, հասցեն՝ Արշակունյաց 3/1, վերջին հարկ (մուտքն ազատ է միայն մրցույթի մասնակիցների համար):

Մրցանակաբաշխություն - սեպտեմբերի 29-ին ժ. 18:00-ին Մարտիրոս Սարյանի տուն-թանգարանի դահլիճում, հասցեն՝ Սարյան 3: 

Այլ մանրամասների համար այցելեք Թվապատման կայք՝ http://contest.tvapatum.mediainitiatives.am/

Հարցերի դեպքում գրեք մեզ կամ դիմեք՝
Արեն Մանուկյանին, էլ. հասցե՝ amanukyan@mediainitiatives.am, հեռ.՝ 010 583620 (ներքին՝ 112)
Սոնա Քոչարյանին, էլ. հասցե՝ skocharyan@mediainitiatives.am, հեռ.՝ 010 583620 (ներքին՝ 126)

Հղում՝ http://contest.tvapatum.mediainitiatives.am/