![Lradadar. Between Love and Criticism (in Armenian)](https://hkdepo.am/media/cache/news1/i/news/lradadar-between-love-and-criticism_between_love_and_criticism.jpg)
Lradadar. Between Love and Criticism (in Armenian)
Աղբյուրը հասանելի է այստեղ:
Մեդիա նախաձեռնությունների կենտրոնը նոյեմբերի 1-ին ժամը 17:00-ին հրավիրում է «Լրադադար» ակումբ՝ մասնակցելու «Սիրո և քննադատության արանքում» թեմայով քննարկմանը:
Օրվա լրահոսի ազդեցությունը զգում են թե՛ լրագրողները, թե՛ նոր իշխանությունները, թե՛ լսարանը: Ստեղծվել է իրավիճակ, երբ լրատվամիջոցները քննադատում են և միաժամանակ քննադատվում քննադատության համար:
Քննարկելու ենք, թե
- որքանո՞վ են լրատվամիջոցները պատրաստ հետաքննելու ու քննադատելու նոր իշխանությունների ծրագրերն ու ելույթները,
- ինչպե՞ս կարելի չափել այսօրվա մեդիայի ազատությունն և համեմատել նախորդ 10-20 տարիների հետ,
- արդյո՞ք նոր պայմաններում ճիշտ է սպասողական դիրքորոշումը և ներողամտությունը նոր կառավարության սայթաքումների հանդեպ, ո՞րն է սպասման ողջամիտ ժամկետը,
- ի վերջո, ի՞նչ պատասխանատվություն ունեն լրատվամիջոցներն իրենց լսարանի առջև հետհեղափոխական ժամանակներում, հատկապես, երբ քննադատության համար նրանց մեղադրում է լսարանը:
Քննարկումը տևելու է մեկուկես ժամ և նախատեսված չէ լուսաբանման համար: Մուտքն ազատ է մեդիա մենեջերների, խմբագիրների, լրագրողների, ուսանողների, ինչպես նաև թեմայով հետաքրքրված այլ անձանց համար:
Սպասում ենք ձեզ Մեդիա նախաձեռնությունների կենտրոնում, հասցեն՝ Արշակունյաց 3ա, վերջին հարկ:
Մանրամասների համար կարող եք զանգահարել Գայանե Ասրյանին, հեռ՝ 010 58 36 20, 011 58 36 20, էլ. հասցե՝ [email protected]:
--------------------------------------------------------------------------------------
«Լրադադար» ակումբը մասնագիտական քննարկումների ոչ պաշտոնական ձևաչափ է՝ լրագրողների, մեդիա դաշտում աշխատող մարդկանց համար: Ակումբում քննարկումներ են ծավալվում տարբեր թեմաների շուրջ՝ մեդիայում ընթացող զարգացումներ, ստեղծվող բովանդակություն, գործող հարաբերություններ, հասունացող հակասություններ:
Քննարկումն անցկացվում է Ամերիկայի ժողովրդի աջակցությամբ՝ ԱՄՆ Միջազգային զարգացման գործակալության միջոցով իրականացվող «Մեդիան քաղաքացիների տեղեկացված մասնակցության համար» ծրագրի շրջանակում: #MICE