"20 years later". competition for short stories (Armenian)
2012 թ-ին «Սոցիալ-մշակութային իննովացիաների լաբորատորիա» ( ՍՄԻԼ) հիմնադրամը, որի նպատակն է խթանել նորարարական շարժումը Հայաստանի հասարակական և մշակութային կյանքի տարբեր ոլորտներում, հայտարարել էր կարճ պատմվածքների մրցույթ՝ «1988» խորագրով: Արվեստագետներից ու գրականագետներից բաղկացած ժյուրին մրցույթին մասնակցած 18 պատմվածքներից հաղթած ճանաչեց հինգը, և 2012թ. նոյեմբերի 23-ին տեղի ունեցավ հանդիսավոր մրցանակաբաշխությունը: Բոլոր պատմվածքները տեղադրված են կազմակերպության www.skilfound.com կայքում:
ՍՄԻԼ հիմնադրամը պատիվ ունի հայտարարելու մրցույթի երկրորդ փուլը՝ «20 տարի անց» խորագրով: Մրցույթին մասնակցելու համար անհրաժեշտ է մինչև 2016թ. մարտի 1-ը ուղարկել պատմվածքի տեքստը 10000 բառի շրջանակներում: Ինչպես և մրցույթի առաջին փուլում, հաղթողներին տրվելու են դրամական պարգևներ:
Պատմվածքները պետք է ուղարկվեն էլեկտրոնային փոստով` nounehskilfound@gmail.com հասցեով: Հարցերի ու պարզաբանումների համար կարող եք դիմել նույն հասցեով: