Call for Applications by Hand-Made Animation Lab (in Armenian)
«ԿԻՆ» կինոփառատոնը «Գյոթե Ինստիտուտ»-ի աջակցությամբ կազմակերպում է ձեռակերտ անիմացիայի լաբորատորիա։
Լաբորատորիան նախատեսված է անիմացիա ուսումնասիրող ուսանողների, նկարիչների և երիտասարդ ռեժիսորների համար, ովքեր հետաքրքրված են անիմացիայով։
Լաբորատորիայի ընթացքում մասնակիցները կսովորեն աշխատել stop-motion անիմացիայի տեխնիկաներից մեկով և կստեղծեն կարճամետրաժ անիմացիոն ֆիլմ։
Ֆիլմի պրեմիերան տեղի կունենա դեկտեմբերին՝ ԿԻՆ կինոփառատոնի շրջանակներում։
Լաբորատորիան տեղի է ունենալու Երևանում, 2022թ.-ի նոյեմբերի 14-20-ը։
Մասնակիցների քանակը՝ 12 հոգի։
Դասընթացի լեզուն՝ ռուսերեն, հայերեն թարգմանությամբ։
Մասնակցությունը լաբորատորիային անվճար է։
Լաբորատորիայի համադրողներն են՝
Յուրի Բոգուսլավսկի - ռեժիսոր-մուլտիպլիկատոր, նկարիչ, սցենարիստ, պրոդյուսեր, «Ցեխ անիմացիի» անիմացիոն դպրոցի տնօրեն (http://sbfm.ru/tseh):
Ասյա Կիսելևա - նկարչուհի, նկարազարդող, մուլտիպլիկատոր (http://asyalesik.tilda.ws/):
Սաշա Չիրկով - կոմպոզիտոր, հնչյունային ռեժիսոր:
Լաբորատորիային մասնակցելու համար հարկավոր է ներկայացնել հետևյալ տեղեկությունները՝
1. Մոտիվացիոն նամակ՝ ինչո՞ւ եք ցանկանում մասնակցել լաբորատորիային (1 էջի սահմաններում)
2. Ձեր լուսանկարը, հակիրճ կենսագրությունը, եթե ունեք նկարահանած ֆիլմեր, ապա դրանց հղումները և ձեր կոնտակտային տվյալները (հեռախոսահամար, էլ. հասցե)։
Հայտերը հարկավոր է ուղարկել [email protected] էլ. հասցեին, subject հատվածում նշելով «Application for Handmade Animation Laboratory_ձեր անուն ազգանուն»
Հայտերը ընդունվում են մինչև նոյեմբերի 7-ը։ Մասնակիցների անունները հայտնի կլինեն նոյեմբերի 10-ից հետո։
Հարցերի դեպքում կարող եք զանգահարել՝ 099524419 Ելիզավետա Պետրոսյան, 099215678 Մարիամ Օհանյան