Call for Researchers by Point 33 NGO on Obstetric Violence (in Armenian)

 

«Արժանապատիվ մայրություն. ո՛չ մանկաբարձական բռնությանը» ծրագիրն իրականացնող «Կետ 33» տեղեկատվական, իրավապաշտպան հասարակական կազմակերպությունը հայտարարում է մանկաբարձական բռնության թեմայով հետազոտողի հրավերի մասին։

 

«Արժանապատիվ մայրություն. ո՛չ մանկաբարձական բռնությանը» ծրագրի մասին

 

Հրավերը հայտարարվում է «Արժանապատիվ մայրություն. ո՛չ մանկաբարձական բռնությանը» ծրագրով, որն իրականացվում է Եվրասիա համագործակցություն հիմնադրամի կողմից Շվեդիայի կառավարության աջակցությամբ իրականացվող «Քաղաքացիական հասարակության զարգացման ազդեցության ընդլայնում» ծրագրի շրջանակում։

 

Ծրագրի նպատակն արժանապատիվ մայրություն ունենալու գաղափարն իրականություն դարձնելն է:

 

Ծրագրի շրջանակում նախատեսվում է․

 

1․ Պարզել, թե Հայաստանում առավել հաճախ որ տեսակի մանկաբարձական բռնության ձևերն են հանդիպում և որոնք են դրանց հետևանքները, ունենալ առարկայական փաստաթուղթ, որը կլինի թե՛ այս ծրագրի շրջանակներում իրականացվող, թե՛ մեր կազմակերպության կողմից իրականացվող համապատասխան գործողությունների հիմքում։

2․ Բարձրացնել հանրության իրազեկվածությունը՝ արժանապատիվ մայրության և մանկաբարձական բռնության կանխարգելման հարցերի շուրջ։

3․ Զարգացնել մեդիաներկայացուցիչների և ստեղծագործողների գիտելիքներն ու կարողություններն արժանապատիվ մայրության և մանկաբարձական բռնության հարցերի վերաբերյալ, ջատագովել նման թեմաների լուսաբանումը:

 

 

Մրցույթի առարկա․որակական (և/կամ քանակական) հետազոտություն Հայաստանի Հանրապետությանում մանկաբարձական բռնության հիմնական դրսևորումների և կանանց (նրանց ընտանիքների) հոգեական և ֆիզիկական առողջության վրա թողած հետևանքների վերաբերյալ։

 

 

Մրցույթի մասնակից․հետազոտական փորձ ունեցող անհատ փորձագետ-հետազոտողներ կամ իրավաբանական անձիք։

 

Պայմանագրի տեսակ․ծառայության մատուցում։

 

Առաջադրանքի տևողություն․2024 թ․ սեպտեմբերի 10-ից դեկտեմբերի 31-ը։

 

Հետազոտության ծածկույթ․ Երևան, Գյումրի և Վանաձոր։

 

Հետազոտության նպատակ․պարզել, թե ինչ տեսակի մանկաբարձական ագրեսիայի դրսևորումներ են հանդիպում կանանց հանդեպ և թե այդ դրսևորումներն ինչ հետևանք են ունեցել նրանց վրա թե՛ ֆիզիկական, թե՛ հոգեբանական առումով, ներկայացնել փոփոխությունների առաջարկություններ ՀՀ կառավարությանը, Ազգային ժողովին, ծննդօգնություն տրամադրող բուժհիմնարկներին։

 

 

Հետազոտության պահանջներ․

 

- Իրականացնել որակական (և/կամ քանակական) հետազոտություն հայաստանյան երեք խոշոր քաղաքներում՝ Երևանում, Գյումրիում և Վանաձորում՝ հղիության, ծննդօգնության և հետծննդաբերական շրջանում կնոջ հանդեպ մանկաբարձական բռնության վերաբերյալ,

- Ուսումնասիրել և հետազոտության մեջ ներառել միջազգային փորձը՝ մանկաբարձական բռնության դեմ պայքարի և կիրառվող լուծումների վերաբերյալ,

- Կազմել և հետազոտության մեջ ներառել ՝ ուղղված ՀՀ կառավարությանը, Ազգային ժողովին, ծննդօգնություն ցուցաբերող բուժհիմնարկներին,

- Վերջնականացնել հետազոտական փաստաթուղթը՝ ներառյալ փոփոխությունների առաջարկությունները, մինչև 2024 թ-ի դեկտեմբերի  31-ը։

 

Ծառայություն տրամադրողն աշխատելու է պատվիրատուի ծրագրի ղեկավարի անմիջական ղեկավարման ներքո՝ ապահովելով ակնկալվող արդյունքների կանոնավոր իրականացումը պատշաճ որակով և ժամանակին:

 

Հետազոտության վերաբերյալ մամուլի հաղորդագրություն է ուղարկվելու հայաստանյան լրատվամիջոցներին։ Հետազոտությունն առցանց տարբերակով հրապարակվելու է «Կետ 33» տեղեկատվական, իրավապաշտպան ՀԿ-ի կայքում և հասանելի է լինելու լայն հանրությանը։

 

 

Դիմորդներին ներկայացվող պահանջներ․

 

Սույն մրցույթին մասնակցելու համար անհատ դիմորդը, իսկ իրավաբանական անձանց դեպքում թիմի անդամը/ները պետք է բավարարեն հետևյալ նվազագույն որակական չափանիշները.

 

- Որակական և քանակական հետազոտական աշխատանքների իրականացման երեք և ավելի տարվա աշխատանքային փորձ,

- Վերլուծական փաստաթղթերի, զեկույցների պատրաստման փորձառություն,

- Բանավոր և գրավոր հայերենի գերազանց իմացություն,

- Անգլերենի, ռուսերենիգերազանց իմացություն,

- Թվային հարթակների և տեխնոլոգիաների կիրառման հմտություն,

- Հանձնառած պարտավորությունների որակյալ և ժամանակին կատարման ունակություն։

 

 

Վճարում․

 

Ամբողջական ծառայության արժեքը կազմում է 800 000 (ութ հարյուր հազար) ՀՀ դրամ՝ ներառյալ ՀՀ օրենսդրությամբ սահմանված հարկերն ու վճարները։

 

 

Դիմելու կարգ․

 

Հետաքրքրված անձինք պետք է ներկայացնեն մրցութային փաթեթը, որում կներառեն․

 

- Վերոնշյալ տեխնիկական առաջադրանքն իրականացնող անձի/անձանց կենսագրականը (CV),

- Ոլորտային հետազոտությունների օրինակների հղումներ,

- Ուսումնասիրության իրականացման ժամանակացույց,

- Ուսումնասիրությունն իրականացնող անձի, իսկ իրավաբանական անձանց դեպքում թիմի փորձառությունը հավաստող փաստաթղթեր (ինքնակենսագրականներ, վկայականներ, հավաստագրեր)։

 

 

Մրցութային փաթեթն  անհրաժեշտ է ներկայացնել [email protected] կամ [email protected] էլ․ հասցեին մինչև 2024 թ․ օգոստոսի 31-ը։

 

 

Հայտերի գնահատում․

 

Հայտերի գնահատումը տեղի կունենա մինչև 2024 թվականի սեպտեմբերի 2-ը։

Կդիտարկվեն միայն սահմանված պահանջներին համապատասխանող դիմորդների դիմումները:

Նախնական ընտրությունն անցած հավակնորդների հետ կանցկացվի հարցազրույց – հանդիպում՝ տեսազանգի միջոցով:

Լրացուցիչ տեղեկությունների համար կարող եք կապ հաստատել ծրագրի համակարգող Հայկուհի Ալավերդյանի հետ՝ զանգահարելով +37499 68 19 93 հեռախոսահամարին կամ ուղարկելով նամակ  [email protected] կամ [email protected] էլ․հասցեին:

 

***

«Կետ 33» տեղեկատվական, իրավապաշտպան ՀԿ-ի «Արժանապատիվ մայրություն. ո՛չ մանկաբարձական բռնությանը» ծրագիրն իրագործվում է Եվրասիա համագործակցություն հիմնադրամի կողմից Շվեդիայի կառավարության աջակցությամբ իրականացվող «Քաղաքացիական հասարակության զարգացման ազդեցության ընդլայնում» ծրագրի շրջանակում։