Digital Security and E-literacy School Admissions from All Rights Foundation (in Armenian)

Ի՞նչ է #Աշնանային_Թվային_Դպրոց-ը

 

«Էլեկտրոնային գրագիտության և թվային անվտանգության դպրոց» ծրագրի շրջանակներում կայանալիք տեսական ու գործնական դասընթացների ամբողջություն է, որտեղ իրենց փորձով կիսվելու են Հայաստանի լավագույն մասնագետները։

 

Ի՞նչ թեմաներ են ներառված․

 

• Էլեկտրոնային գրագիտության հիմունքներ, ի՞նչ է էլ․ գրագիտությունը,

 

• Էլեկտրոնային գրագիտությունը հաղորդակցության տարբեր ուղղություններում,

 

• Սոցիալական ցանցերի գրագիտություն (Facebook, Instagram, Linkedin, Twitter, Youtube, TikTok),

 

• Էթիկետ և նեթիկետ (network ethics). մարդու իրավունքներ,

 

• Հանդուրժողականությունը, ատելության խոսքը և դրանց դեմ պայքարը սոցիալական ցանցերում,

 

• Մեդիագրագիտություն և քննադատական մտածողություն,

 

• Ապատեղեկատվություն, կեղծ լուրեր (Fake news) և էլեկտրոնային բովանդակության վերլուծություն,

 

• Անվտանգությունը թվային միջավայրում․ տեղեկատվական և հոգեբանական պատերազմներ,

 

• Անվտանգությունը սոցիալական ցանցերում և մեսենջերներում,

 

• Թվային անվտանգությունն ապահովող առցանց գործիքներ և ծրագրային ապահովումներ,

 

• Էլեկտրոնային գրագիտությունը և թվային անվտանգությունը էլեկտրոնային փոստերի միջոցով հաղորդակցվելիս,

 

• Էլեկտրոնային գրագիտությունը տեղեկատվություն որոնելիս,

 

• Որոնողական համակարգերի հետ աշխատանքներ,

 

• Վիրուսների, ֆիշինգների հայաստանյան փորձառությունը, դրանց նույնականացումն ու դրանց դեմ ուղղված պայքարի միջոցները,

 

• Թվային անվտանգության համաշխարհային ու հայաստանյան փորձը․քեյսեր, դրանց պատմություններն ու քաղված դասերը,

 

• Թվային անվտանգության ժամանակակից մարտահարվերներն աշխարհում։

 

 

Ովքե՞ր կարող են դիմել․

 

Շիրակի մարզում բնակվող 16-20 տարեկան երիտասարդները։

 

 

Որքա՞ն է դպրոցի տևողությունը․

 

01.09.2021-30.11.2021 (3 ամիս), շաբաթական մեկ օր ծանրաբեռնվածությամբ։

 

 

Ովքե՞ր են դասավանդելու դպրոցում․

 

Հատուկ Քեզ համար մենք հրավիրել ենք Հայաստանում ՏՏ ոլորտի լավագույն մասնագետներին՝

 

• Սամվել Մարտիրոսյան,

 

• Արթուր Պապյան, 

 

• Ալեքսեյ Չալաբյան, 

 

• Սոֆյա Հարությունյան, 

 

• Հրայր Զոհրաբյան, 

 

• Ալեքսանդր Մարտիրոսյան։

 

 

Ինչպե՞ս դիմել․

 

Դպրոցին մասնակցելու համար հարկավոր է լրացնել առցանց հայտը, մինչև ս․թ․ օգոստոսի 26-ը ներառյալ։ Մասնակիցները հայտում պետք է ներկայացնեն նաև դպրոցին մասնակցելու իրենց շարժառիթային նամակը։ 

 

Կդիտարկվեն միայն ծրագրի պահանջներին բավարարող և հայտն ամբողջապես, գրագետ հայերենով լրացրած դիմումատուների հայտերը։ Հայտերի արդյունքները կամփոփվեն և դիմումատուներն արդյունքների մասին կտեղեկացվեն մինչև ս․թ․ օգոստոսի 25-ը ներառյալ։

 

Հարցերի դեպքում կարող ես կապվել  ԲՀՀԻ հիմնադրամի հաղորդակցության մասնագետ Հրաչյա Հովհաննիսյանի հետ՝ [email protected] էլ․ փոստի միջոցով։

 

———————————

«Էլեկտրոնային գրագիտության և թվային անվտանգության դպրոց» ծրագիրն իրականացվում է Եվրասիա համագործակցություն հիմնադրամի կողմից Շվեդիայի միջազգային զարգացման գործակալության, Սիդայի աջակցությամբ իրականացվող«Աջակցություն քաղաքացիական հասարակությանը՝ հանուն բարեփոխումների վրա ներգործության» ծրագրի շրջանակում։