Grqamol Club Member Vacancy: Open Call
Աղբյուրը՝ www.facebook.com
«Գրքամոլ» ակումբի 2019թ․ անդամակցության հայտ
Գրքամոլ ակումբը հայտարարում է նոր՝ ՎԵՑԵՐՈՐԴ ԽՄԲԻ ձևավորման մեկնարկը (հանդիպումները սկսելու են ապրիլ ամսից):
Գրքամոլ Ակումբի անդամ կարող ես դառնալ հենց դու, եթե սիրում ես կարդալ, փորձառու ընթերցող ես կամ էլ եթե պարզապես նոր ես բացահայտել քո մեջ սերը դեպի ընթերցանությունը։ Ակումբում գործում է երկու պարտադիր պայման՝ կարդալ գրքերը և գալ քննարկումներին։ Քննարկումներն անցկացվում են յուրաքանչյուր երկու շաբաթը մեկ անգամ շաբաթ օրը՝ երեկոյան ժամը 17:00-19:00 ընկած ժամանակահատվածում՝ Ավ. Իսահակյանի անվան գրադարանում:
* Ակումբում չկա տարիքային/սեռային սահմանափակում:
Նրանք, ովքեր նախորդ խմբերի անդամակցությունների ժամանակ դուրս են մնացել հարցազրույցի փուլից, կարող են կրկին դիմել։
Ակումբի շրջանակներում կազմակերպվում են՝
- I մակարդակ. Գրքերի քննարկումներ – 4 գիրք,
- II մակարդակ. Հեղինակների կենսագրությունների ուսումնասիրում և յուրաքանչյուր հեղինակի մեկ ստեղծագործության քննարկում – 4 հեղինակ և 4 գիրք,
- III մակարդակ. Գրքի հիման վրա նկարահանված ֆիլմի դիտում և համեմատում գրքի հետ – 4 ֆիլմ/գիրք:
Հանդիպումներին ժամանակ առ ժամանակ հրավիրվում են գրականագետներ, գրողներ, թարգմանիչներ, անցկացվում են բաց հանդիպումներ:
ՈՒՇԱԴՐՈՒԹՅՈՒՆ
«Գրքամոլ» ակումբի անդամագրման համար անհրաժեշտ է լրացնել այս հայտը, այնուհետև մասնակցել հարցազրույցին (հայտերն ընդունվում են մինչև մարտի 31-ը):
Մարտի 31-ից հետո կսկսվի հարցազրույցի փուլը, և հարցազրույցի փուլն անցած ընթերցասերները անմիջապես կդառնան Գրքամոլ Ակումբի նոր ձևավորված խմբի անդամ:
Հ.Գ. 2019 թվակնին Գրքամոլ Ակումբի նոր ձևավորվող խումբ այլևս չի լինելու, և եթե ցանկություն ունեք դառնալու ակումբի անդամ, ապա այժմ ճիշտ ժամանակն է: