International Conference in Tajikistan: The Best Youth Entrepreneurship Projects (in Armenian)
Տաջիկստանի Հանրապետության կառավարությանն առընթեր երիտասարդության հարցերի և սպորտի կոմիտեն ս.թ. օգոստոսի 26-28-ը ք․ Դուշանբեում կազմակերպում է «Լավագույն երիտասարդական ձեռնարկատիրական նախագծեր» միջազգային համաժողովը:
Համաժողովի նպատակն է ԱՊՀ անդամ երկրների տարածքում երիտասարդական ձեռնարկատիրության ոլորտում համագործակցության խթանումն ու զարգացումը, երիտասարդ ձեռնարկատերերի միջև փորձի փոխանակումը, ինչպես նաև՝ լավագույն ստարտափ ընկերությունների բացահայտումը:
Համաժողովի մասնակիցները հնարավորություն կունենան ներկայացնելու իրենց ստարտափ ընկերությունները՝ նշելով հիմնական նպատակները, առավելություններն ու նախագծերի նորարարությունը:
Համաժողովը տեղի կունենա հիբրիդային եղանակով՝ հեռավար և առկա ձևաչափերի համադրությամբ:
Ընտրված մասնակիցների կեցության և սննդի ծախսերը հոգում է հրավիրող կողմը, իսկ տրանսպորտային ողջ ծախսերը՝ մասնակիցներն անձամբ:
Համաժողովին մասնակցության հայտերն անհրաժեշտ է ուղարկել՝ [email protected] էլեկտրոնային հասցեին մինչև ս.թ. օգոստոսի 25-ը:
Հավելյալ տեղեկատվության համար զանգահարել 010 599 641 հեռախոսահամարով: