New ideas to develop tourism

«Իմ Հայաստան» ծրագիրը սկսում է մարզերում տուրիզմի զարգացման նոր գաղափարների և առաջարկությունների հավաքագրում։ Ծրագրի նպատակն է Հայաստանի մարզերում նոր զբոսաշրջային ծառայությունների ձևավորումը, առաջարկների ավելացումը և մարզային զբոսաշրջության խթանումը: 

 

Այս նպատակով, խնդրում ենք զբոսաշրջության ոլորտում գործող բոլոր կազմակերպություններին կամ անհատներին ներկայացնել հայեցակարգ` հակիրճ նկարագրելով առաջարկվող նոր տուրիստական ծառայությունը Հայաստանի հետևյալ մարզերում`

 

• Շիրակ 

• Լոռի 

• Տավուշ 

• Վայոց ձոր

• Սյունիք (Սիսիան, Գորիս և հարակից տարածքներ) 

 

Ինչպես նաև, նշված մարզերը միմյանց կապող հետևյալ երթուղիներին հարակից տարածքներում՝

 

• Դիլիջան – Մարտունի – Եղեգնաձոր

• Երևան – Գյումրի

• Գյումրի – Վանաձոր

• Երևան – Արենի

 

Ծրագրի նպատակը

«Իմ Հայաստան» ծրագրի նպատակն է ձեռնարկությունների, ասոցիացիաների, շահույթ չհետապնդող կազմակերպությունների կամ անհատ ձեռնարկատերերի հետ համատեղ ստեղծել նոր կամ զարգացնել արդեն իսկ գործող տուրիստական ծառայությունները/փորձառությունները վերը նշված տարածաշրջաններում: Որպեսզի նշված տուրիստական փորձառությունները և/կամ ծառայությունները համարվեն մրցունակ, դրանց իրականացումը պետք է խթանի հետևյալը՝  

 

• նշված տարածաշրջաններում պետք է ստեղծվեն նոր կամ զարգանան արդեն իսկ գործող տուրիստական ծառայությունները,

• զբոսաշրջիկները պետք է ձեռք բերեն առանձնահատուկ և ինքնատիպ փորձառություն,

• պետք է բարելավվի տվյալ տարածաշրջանների տնտեսական վիճակը,

• զբոսաշրջիկներն կայցելեն վերը նշված վայրերն ավելի երկար ժամանակահատվածով,

• կպահպանվի Հայաստանի մշակութային ժառանգությունը, ինչպես նաև` բնությունը:

 

Խնդրում ենք շահագրգիռ կազմակերպություններին կամ անհատներին ներկայացնել հակիրճ նկարագրություն իրենց կողմից առաջարկվող տուրիստական ծառայության վերաբերյալ: Նկարագրությունները պետք է լինեն առավելագույնը 1-2 էջի սահմանում և ներկայացնեն հետևյալը` 

• առաջարկվող ծառայության հակիրճ նկարագրություն,

այն ամենն ինչ անհրաժեշտ է տվյալ ծառայությունը ստեղծելու կամ զարգացնելու համար,

• այն ամենն, ինչ հայեցակարգ ներկայացնող կազմակերպությունը կամ անհատն ակնկալում է «Իմ Հայաստան» ծրագրից, 

• Տվյալ կազմակերպության կամ անհատի վերաբերյալ տեղեկություն, այդ թվում նաև` կոնտակտային տվյալներ:

 

Հայեցակարգերն ուղարկել մինչև ս.թ. նոյեմբերի 17-ը՝ Նարինե Աբգարյանին - [email protected] 

     

Բոլոր այն հայեցակարգերը, որոնք կստանան ծրագրի աջակցությունը, կտեղեկացվեն նամակով կամ հեռախոսազանգով մինչև դեկտեմբերի 15-ը:

«Իմ Հայաստան» ծրագրի գործունեության հակիրճ նկարագիր

 

«Իմ Հայաստան» ծրագիրը չի տրամադրում անմիջական ֆինանսական օժանդակություն: Ծրագիրն աջակցում է հետևյալ կերպ՝ 

• զբոսաշրջության ոլորտում ձևավորված միջազգային փորձի և խոր գիտելիքի հիման վրա` տվյալ ծառայության ստեղծման կամ զարգացման համար ցուցաբերում է անհրաժեշտ տեխնիկական խորհրդատվություն, 

• իրականացնում է մշակութային ժառանգության, արձանագրությունների ու բանասացությունների խորը հետազոտություն, տվյալ ծառայության կամ ապրանքի վերաբերյալ, 

• կազմակերպում է բիզնես կառավարման և գործունեության դասընթացներ,

• աջակցում է ծառայությունների ծախսերի հաշվարկի և գնագոյացման հարցում,

• կազմակերպում է զբոսավարության դասընթացներ,

• կազմակերպում է թվային մարքեթինգի դասընթացներ,

• մշակում և տպագրում է գովազդային նյութեր, համապատասխան մասնագետների նեգրավմամբ մշակում է ապրանքանիշ և փաթեթավորում, 

• աջակցում է շուկա մուտք գործելու, վաճառքի ուղիներ գտնելու և գովազդելու աշխատանքների իրականացմանը:

 

«Իմ Հայաստան» ծրագրի մասին.

«Իմ Հայաստան» ծրագիրը ֆինանսավորվում է ԱՄՆ Միջազգային զարգացման գործակալության (ԱՄՆ ՄԶԳ) և իրականացվում Սմիթսոնյան ինստիտուտի կողմից: Այն կարևորում է Հայաստանի մշակութային ժառանգության դերակատարումը կայուն զբոսաշրջության զարգացման մեջ: Ծրագիրը համագործակցում է Երևանից դուրս գտնվող գյուղական վայրերի համայնքների հետ` իրենց մշակութային դրսևորումները բացահայտելու և արձանագրելու նպատակով:  

 

Ծրագրի առաքելությունն է՝ աջակցել մշակութային ժառանգության պահպանմանը և գյուղական վայրերի տնտեսության կայունացմանը համայնքային զբոսաշրջության զարգացման միջոցով:

 

«Իմ Հայաստան» ծրագրի չորս հիմնական նպատակներն են`

Նպատակ 1.     ընդլայնել Հայաստանի մշակութային զբոսաշրջության առաջարկած ծառայությունները,

Նպատակ 2. գովազդել Հայաստանը` որպես մշակութային զբոսաշրջության վայր,

Նպատակ 3.  զարգացնել մշակութային զբոսաշրջության ոլորտում ներգրավված աշխատուժի հմտությունները,

Նպատակ 4․ ներգրավել ՀՀ Կառավարությանը, դոնոր կազմակերպություններին, համագործակցողներին և շահագրգիռ կողմերին: