ՀՌԿԿ–Հայաստանը «Հայաստանում ժողովրդավարության իրականացումը բաց տվյալների միջոցով» ծրագրի շրջանակներում հայտարարում է «ԲԱՑ ՏՎՅԱԼՆԵՐԻ ԴԱՍԸՆԹԱՑ» քառօրյա դասընթացներին մասնակցելու դիմումների ընդունման մեկնարկի մասին։

Դասընթացներին կարող են մասնակցել ստորև նշված ոլորտներում/կազմակերպություններում աշխատող մասնագետները։

• Վերլուծական կենտրոններ (Think Tanks)1 (դիմելու վերջնաժամկետ՝ 26.02.2021)

• Քաղհասարակության կազմակերպություններ (դիմելու վերջնաժամկետ՝ 08.03.2021)

• ԲՈՒՀ2 (դիմելու վերջնաժամկետ՝12.03.2021 )

• Մեդիա (դիմելու վերջնաժամկետ՝ 22.03.2021) (Գորիս)

• Վիճակագրություն և ժողովրդագրություն (դիմելու վերջնաժամկետ՝ 26.03.2021)

• Տեղական ինքնակառավարում (դիմելու վերջնաժամկետ՝ 05.04.2021) (Դիլիջան)

• Կառավարություն3 (դիմելու վերջնաժամկետ՝ 09.04.2021)

Դասընթացավարներն են՝

• Հայկազ Ֆանյանը՝ Modex ընկերության տնօրեն

• Շուշան Դոյդոյանը՝ Ինֆորմացիայի ազատության կենտրոնի նախագահ

• Սեդրակ Մկրտչյանը՝ տվյալների վիզուալացման փորձագետ

• ՀՌԿԿ–Հայաստանի տվյալների հավաքագրման և վերլուծության մասնագետները

Դասընթացի թեմաներն են՝

• Ի՞նչ են բաց տվյալները։ Ինչու՞ են կարևոր բաց տվյալները։ Բաց տվյալների կառավարումը։

• Ինչպե՞ս մշակել բաց տվյալների ծրագիր։ Տվյալների ձեռքբերում, վերլուծություն։

• Տեղեկատվության մատչելիություն։

• Անձնական տվյալների մշակում և պաշտպանություն։

• Տվյալների վիզուալացում

Դասընթացները տեղի կունենան 2021թ մարտ և ապրիլ ամիսներին Երևանում (մեդիայի և տեղական ինքնակառավարման ոլորտի աշխատակիցների դասընթացները տեղի կունենան համապատասխանաբար Գորիսում և Դիլիջանում)։ Յուրաքանչյուր ոլորտի մասնակիցների դասընթացի տևողություն 4 օր է։ Մասնակցությունը դասընթացներին անվճար է։ Անհրաժեշտության դեպքում ՀՌԿԿ–Հայաստանը կհոգա մարզերից և Արցախից մասնակիցների ճանապարհածախսը։ Դասընթացին մասնակցելու համար լրացրեք առցանց դիմումի ձևը հետևյալ հղումով՝ https://forms.gle/KcXVtGTgjRWuZk7D6։ Դասընթացն ավարտած մասնակիցները կստանան մասնակցության վկայագիր։
Հարցերի դեպքում կարող եք գրել [email protected] էլ․ հասցեին կամ զանգահարել (010) 574898 (103) հեռախոսահամարին։

1. Այդ թվում ԲՈՒՀ–երում գործող վերլուծական կենտրոնների աշխատակիցները

2. ԲՈՒՀ–երի և ֆակուլտետների աշխատակիցներ

3. Կառավարության ենթակայության տակ գտնվող նախարարությունների և այլ գերատեսչությունների աշխատակիցներ

Ծրագրի մասին

«Հայաստանում ժողովրդավարության իրականացումը բաց տվյալների միջոցով» ծրագիրն իրականացվում է ՀՌԿԿ–Հայաստանի կողմից Շվեդիայի կառավարության աջակցությամբ։ Ծրագրի նպատակն է մասնագիտական տարբեր շրջանակներում բարձրացնել տվյալների հետ աշխատանքի որակը և սերմանել բաց տվյալների մշակույթի սկզբունքները։

ՀՌԿԿ–Հայաստանի մասին

Հետազոտական ռեսուրսների կովկասյան կենտրոն (ՀՌԿԿ)-Հայաստանն իր գործունեությունն սկսել է 2003 թվականին՝ որպես Հայաստանում, Ադրբեջանում և Վրաստանում հիմնված Հետազոտական ռեսուրսների  կովկասյան կենտրոնների ցանցի մաս: Երկար տարիներ զարգանալով Նյու Յորքի Կարնեգի կորպորացիայի, Եվրասիա համագործակցություն հիմնադրամի և Երևանի պետական համալսարանի աջակցությամբ՝ 2013թ  ՀՌԿԿ-Հայաստանն ստացել է անկախ հիմնադրամի կարգավիճակ՝ շարունակելով հետամտել  հասարակագիտական հետազոտություններն ու հանրային քաղաքականության վերլուծությունը խթանելու  հիմնական  առաքելությունը: