Ծրագրի օգնականի թափուր հաստիք Մեդիա նախաձեռնությունների կենտրոնում

Մեդիա նախաձեռնությունների կենտրոնը փնտրում է փորձառու թեկնածուի՝ որպես ծրագրի օգնական՝ կազմակերպության ուսումնական և այլ բաժինների ծրագրային, ադմինիստրատիվ և տեխնիկական աշխատանքներին աջակցելու համար:

Աշխատանքային պարտականություններ

• Կատարել ուսումնական և այլ բաժինների միջոցառումների նախապատրաստական աշխատանքներ, ավիատոմսերի և հյուրանոցների ամրագրումներ:
• Աջակցել ծրագրերի ղեկավարներին ծրագրերին առնչվող հարցերում, ներառյալ՝ նամակագրություն, նախնական հաշվետվությունների կազմում, տվյալների բազայի ստեղծում, թարմացում:
• Աջակցել ուսումնական բաժնի ղեկավարին լրատվամիջոցների, հասարակական կազմակերպությունների և այլ թիրախային խմբերի համար դասընթացների նախապատրաստման, կազմակերպման և անցկացման հարցում:
• Տարածել դասընթացների վերաբերյալ հայտարարություններ, կազմել մասնակցության հայտադիմումներ և դասընթացին առնչվող այլ անհրաժեշտ փաստաթղթեր (ուսումնական նյութեր, մասնակիցների գրանցման թերթիկներ, վկայագրեր), ապահովել դասընթացների համար անհրաժեշտ պարագաներ/պիտույքներ:
• Անհրաժեշտության դեպքում՝ կատարել բանավոր և գրավոր թարգմանություններ:
• Աջակցել ադմինիստրատիվ աշխատակազմին և հաղորդակցության մասնագետին, համակարգել ներքին ադմինիստրատիվ օնլայն ռեսուրսները:
• Կատարել տվյալ հաստիքի շրջանակում այլ հանձնարարականներ:

Պահանջվող որակավորումներ

• Բարձրագույն հումանիտար կամ համապատասխան այլ կրթություն:
• Նվազագույնը 2 տարվա մասնագիտական փորձ զարգացման ծրագրերում:
• Ծրագրերի իրականացմանն առնչվող գիտելիքներ:
• Համակարգչային գերազանց գիտելիքներ, փաստաթղթերի և արձանագրությունների համակարգման հմտություններ, օնլայն հարթակներում աշխատելու տարրական գիտելիքներ:
• Քաղաքացիական հասարակության և միջազգային կազմակերպությունների հետ աշխատելու փորձ:
• Հայերեն և անգլերեն գրավոր և բանավոր հաղորդակցության հմտություններ: Ռուսերենի իմացությունը կդիտարկվի որպես առավելություն:
• Ինքնուրույն և սեղմ ժամկետներում աշխատելու կարողություն:

Դիմելու կարգը

Համապատասխան որակավորում ունեցող հետաքրքրված անձինք կարող են մինչև 2016 թ. օգոստոսի 1-ն իրենց համառոտ կենսագրությունը և հետաքրքրության նամակը հայերեն կամ անգլերեն լեզուներով ուղարկել [email protected] էլ. հասցեին՝ նամակը վերնագրելով «Project Assistant».Միայն ընտրված թեկնածուները կհրավիրվեն հարցազրույցի: