«Աջակցություն Նոյեմբերյանին» հասարակական կազմակերպությունն ավելի քան տասը տարվա իր գործունեությամբ նպաստում է Տավուշի մարզի համայնքների սոցիալ-տնտեսական զարգացմանը՝ տեղական ռեսուրսների արդյունավետ կառավարման, օգտագործման և լրացուցիչ ռեսուրսների ներգրավման միջոցով: Կազմակերպության ուշադրության կենտրոնում են Տավուշի մարզի՝ հատկապես սահմանամերձ համայնքների բնակիչները: Իրականացված բազմաթիվ այլ ծրագրերի թվում ՀԿ-ն հիմնել է ՀՀ-ում դեռևս եզակի՝ շաքարախտով հիվանդների աջակցության կենտրոն, նաև՝ երիտասարդական կենտրոններ Նոյեմբերյանի տարածաշրջանի 5 համայնքներում, հրապարակել է Տավուշի մարզի գործարար տեղեկատու, 6 սահմանամերձ համայնքներում մասնակից է եղել 45 կմ ջրագծերի կառուցման, կազմակերպել է մասնագիտական դասընթացներ և խորհրդատվություններ: «Աջակցություն Նոյեմբերյանին» կազմակերպության տեսլականն է «Ունենալ իրական նպատակներ և հասնել ցանկալի արդյունքների»:
