Apply for WikiMedia Impact Assessment Club (Armenian)

Վիքիմեդիա Հայաստանը Հայկական բարեգործական ընդհանուր միության «ՔՀԿամուրջ» ծրագրի դրամաշնորհի շրջանակներում Հայաստանի մարզերում հիմնում է 5 Վիքիակումբներ։ Վիքիակումբը ոչ ֆորմալ կրթության օղակ է, այցելուները հիմնականում դպրոցականներն ու երիտասարդներն են, որոնք ակումբում սովորում են խմբագրել Վիքիպեդիայում և այլ վիքինախագծերում՝ ինքնակրթվելով և անընդհատ կատարելագործելով իրենց սովորելու հմտությունները։ Ակումբ հաճախողների վրա վիքիակումբների և վիքիխմբագրման ազդեցության գնահատման համար Վիքիմեդիա Հայաստանը փնտրում է հետազոտողի, ով կիրականացնի նախնական և վերջնական հետազոտություն 5 համայնքների ակումբ հաճախող երեխաների, երիտասարդների և մեծահասակների շրջանում։

 

• - Տևողություն՝ 20 օր
• - Ժամկետը՝ 10 օր 2018 թվականի հուլիսին, 10 օր 2019 թվականի փետրվարին
• - Համայնքներ՝ Կողբ, Վարդենիկ, Սպիտակ, Ալավերդի, Գորիս

 

Պարտականություններ՝

• - Մշակել հետազոտության մեթոդաբանությունն ու անհրաժեշտ գործիքակազմը և դրանք համաձայնեցնել Վիքիմեդիա Հայաստանի հետ,
• - Իրականացնել հետազոտական աշխատանքները,
• - Մշակել հետազոտության զեկույցը և առաջարկություններ։

Պահանջվող որակավորումներ՝

• - բարձրագույն կրթություն սոցիոլոգիայի ոլորտում,
• - սոցիոլոգիական ուսումնասիրությունների անցկացման փորձ
• - հայերենի գերազանց իմացություն,
• - պարտաճանաչություն,
• - հաղորդակցության գերազանց հմտություններ։

 

Դիմելու կարգ

Պահանջներին համապատասխանող բոլոր թեկնածուներին խնդրում ենք իրենց ինքնակենսագրությունը՝ ներառյալ կատարված ուսումնասիրությունների ցանկը (CV) և աշխատանքի համառոտ մեթոդաբանությունը մինչև ս․թ․ հունիսի 20-ը ուղարկել infowikimedia.am էլեկտրոնային հասցեին՝ վերնագրի տողում նշելով «Վիքիակումբների ազդեցության գնահատում» բառերը։ Նախնական ընտրությունն անցած անձինք կհրավիրվեն հարցազրույցի։