Call for Applications: Strive (in Armenian)

«ՁԳՏՈՒՄ ավելի լավ ապագայի. համայնքների և քաղաքացիական հասարակության դիմակայունություն Հայաստանում» (STRIVE) ծրագիրը ֆինանսավորվում է Եվրոպական միության կողմից, այն իրականացնում է ՆԵՖ Բելգիան (NEF)՝ համագործակցությամբ չորս գործընկեր կազմակերպությունների.

 

• «ԱԳԱԹ» հաշմանդամություն ունեցող կանանց իրավունքների պաշտպանության կենտրոն ՀԿ,

• «ԲԼԵՋԱՆ» բնապահպանական, սոցիալական, բիզնեսի աջակցության ՀԿ,

• Կանանց զարգացման «Ռեսուրս կենտրոն» հիմնադրամ,

• «Դիլիջանի երիտասարդների համագործակցության կենտրոն» ՀԿ

 

STRIVE ծրագիրը նպատակ ունի բարելավել Հայաստանի ՔՀԿ-ների կայունությունը, հաշվետվողականությունը և նորարարության կարողությունները՝ հնարավորություն տալով նրանց առանցքային դեր ունենալ իրազեկության բարձրացման, ժողովրդավարության ամրապնդման գործում։ 

 

STRIVE-ի շրջանակներում հայտարարվում է հայտերի ընդունում՝ ընտրելու յոթ (7) հայաստանյան ՔՀԿ-ների, որոնք կօգտվեն կազմակերպական մոդելների ինովացիա (ԿՄԻ) ծրագրից:

 

Վերջինս իրենից ներկայացնում է կազմակերպական կարողությունների կառուցման ինտենսիվ գործընթաց, որը սկսվում է մասնակցային գնահատումից և դասընթացներից (շուրջ երեքշաբաթյա)՝ ըստ ՔՀԿ-ի կարիքների։ Դասընթացային փուլի ավարտից հետո ծրագրի թիմը կաջակցի ընտրված յուրաքանչյուր ՔՀԿ-ի մշակելու անհատական ռազմավարություն։  

 

Ընտրված ՔՀԿ-ները կանցնեն կարողությունների զարգացման գործընթաց և անհատական քոուչինգ (շուրջ 12 ամիս)՝ ուղղված կազմակերպական նորարար ռազմավարության իրականացմանը: 

 

Նշված ռազմավարությունն իրականացնելու նպատակով յոթ ՔՀԿ-ներին որպես ֆինանսական աջակցություն կտրամադրվի դրամաշնորհ՝ 8,500 եվրոյին համարժեք դրամի չափով: Ֆինանսավորումը ստանալուց հետո ՔՀԿ-ները կստանան անհատական քոուչինգ (շուրջ 12 ամիս)՝ ռազմավարությունը հաջող իրականացնելու համար։  

 

 

Նշված ԿՄԻ ռազմավարությունը ՔՀԿ-ներին կօգնի՝ 

 

1. Բարելավել սեփական կազմակերպական կարողությունները, (2) աջակցել կարողությունների զարգացման գործընթացների տարածմանը նույն մարզի այլ ՔՀԿ-ների շրջանում և (3) զարգացնել կամ հիմնել․

(ա) կազմակերպական և գործառնական մոդելներ, ինչպիսիք են՝ օրինակ քրաուդֆանդինգը, ֆոնդահայթայթման նպատակով մասնավոր ոլորտի հետ համագործակցությունը, սոցիալական ձեռնարկությունը,

(բ) միջոլորտային հարաբերությունների զարգացում մասնավոր և հանրային ոլորտների և աջակից դերակատարների միջև:  

 

Ծրագրին մասնակցելու համար ՔՀԿ-ները կընտրվեն հետևյալ չափանիշների հիման վրա.

• Պատրաստակամություն՝ անցնելու ինստիտուցիոնալ կարիքների գնահատման և կազմակերպության ընթացակարգերի ու քաղաքականության բարելավման գործընթաց, 

• Արժեք ավելացնելու ներուժ (օրինակ՝ դժվար հասանելի խմբերի հետ աշխատանք, թեմատիկ առաջնորդություն), 

• Ծրագրի արդյունքների կայունության պահպանման ներուժ (օրինակ՝ ծախսերի գծով համաներդրում, աշխատուժի և կամավորների ներգրավում և այլն),

• Քաղհասարակության դերակատարների և կազմակերպությունների ուժեղացման ապացուցված փորձառություն,

• Ուժեղ կապեր հանրության, շահառուների և մասնավոր ոլորտի հետ, 

• Ցանկություն և կարողություն՝ հյուրընկալելու մենթորային հանդիպումները իրենց համապատասխան մարզերում,   

• Անհրաժեշտ տարածքի և անձնակազմի/կամավորների առկայություն, ովքեր կմասնակցեն ծրագրի տարբեր գործողություններին մինչև 2025թ. հունիս ամիսը, 

• Այլ ՔՀԿ-ների հետ փորձը կիսելու պատրաստակամություն,

• Հիմնվել են նշված մարզերում, անկախ են, իրավաբանորեն գրանցված են ու հանդիսանում են հայաստանյան ոչ-առևտրային կազմակերպություն, գործում են ավելի քան 2 տարի, զերծ են կեղծիքից, կոռուպցիայից և այլ ոչ իրավական կամ հանցավոր գործունեությունից: 

 

Դիմելու համար խնդրում ենք անցնել հետևյալ հղումով՝ Proposal Form

 Դիմումների ընդունման վերջնաժամկետն է՝ 2022 թ. դեկտեմբերի 13-ը, ժամը՝ 17.00 (Երևանի ժամանակով):

Նշված ժամկետից հետո ստացված դիմումները չեն ընդունվի։

 

Տեխնիկական հարցերը կարող են ուղղվել [email protected] էլ. հասցեով՝ մինչև 2022թ. նոյեմբերի 30-ը, ժամը 17.00 (Երևանի ժամանակով) 

 

Նշումներ.

• Ծրագրի մեկնարկի ակնկալվող ժամկետ՝ 2022թ. դեկտեմբերի 15

• Ընտրվող ՔՀԿ-ների թիվը՝ յոթ (7)

• Կապ կհաստատվի միայն ընտրված ՔՀԿ-ների հետ

• Նախքան վերջնական ընտրությունը՝ կարող է պահանջվել լրացուցիչ տեղեկատվություն 

 

Գնահատման սանդղակ